Беларусы і палякі аднавілі знішчаны ў расійскай вёсцы помнік ахвярам сталінскага тэрору
Ён быў разбураны некалькі гадоў таму невядомымі. Як мяркуюць - праўладнымі актывістамі.
Помнік ахвярам сталінскага тэрору, расстраляным у 1937-1938 гадах, у расійскім сяле Беласток у Томскай вобласці, дзе жывуць выхадцы з Беларусі і Польшчы, жыхары аднавілі за свой кошт.
«Вырабілі новыя таблічкі з імёнамі 100 чалавек: 93 жыхары вёскі і 7 ксяндзоў, якія ў розныя гады служылі ў сельскім храме. Усе яны былі расстраляныя ў 1937-1938 гады падчас так званай «польскай аперацыі» НКУС», — паведаміла «Таварыства Мемарыял».
Удакладняецца таксама, што таблічкі ўстанавілі пасля ўрачыстай імшы ў сельскім храме ў прысутнасці мясцовых жыхароў, паломнікаў каталіцкай абшчыны Томска і іх святароў.
Мемарыял ахвярам тэрору быў устаноўлены ў 2003 годзе па ініцыятыве жыхара вёскі Васіля Ханевіча. Манумент складаўся з металічных таблічак з імёнамі расстраляных НКУС людзей, а таксама 4-метровага каталіцкага крыжа, бо нашчадкі беларусаў і палякаў па-ранейшаму вызнаюць каталіцкую веру.
11 лістапада 2022 года, у Дзень незалежнасці Польшчы, невядомыя спілавалі металічны крыж і збілі таблічкі. Па факце вандалізму па заяве жыхароў вёскі была ўзбуджаная крымінальная справа, аднак вінаватых расійская паліцыя не знайшла. Многія незалежныя расійскія СМІ сцвярджалі, што мемарыял быў знішчаны праўладнымі актывістамі.
Жыхары Беластока летась сваімі сіламі аднавілі крыж, а цяпер вярнулі на ранейшае месца таблічкі.
Беларуская блогерка паказала, які жах можа адбывацца з вуснамі, калі хочаш іх павялічыць — а потым паменшыць7
Каментары