У расійскім Сочы 20-гадовую дзяўчыну ў белай сукенцы знесла ў мора пасля жартаўлівай штурханіны з хлопцам ВІДЭА
Дзяўчыну ўжо шукаюць некалькі дзён.
20-гадовая Дыяна з Ліпецкай вобласці забаўлялася з хлопцам на беразе мора. Дзяўчына была ў белай сукенцы. Трагічны момант трапіў на вулічную камеру відэаназірання.
На кадрах відаць, як дзяўчына з хлопцам стаяць ля вады.
Дзяўчына знаходзілася бліжэй да вады, і марская хваля яе змыла ў мора. Хлопец спрабаваў выратаваць яе, але марна.
Ратавальнікі абследавалі акваторыю Цэнтральнага і Лазараўскага раёнаў. Супрацоўнікі МНС агледзелі прыбярэжную зону хвалярэзы, камяні, а таксама шукалі ў вадзе на выдаленні да кіламетра ад берага. Пошукі не прынеслі вынікаў.
Сястра Дыяны расказала падрабязнасці здарэння.
«На моры яна паехала з сябрам. А 4-й раніцы яны пайшлі гуляць па пляжы: Дыяна і двое маладых людзей — Андрэй з горада Усмань [Ліпецкай вобласці], яны разам паехалі на мора, другога хлопца завуць Дзяніс, я не ведаю, пазнаёміліся яны там ці былі знаёмыя да. Ёсць відэа, дзе выразна відаць, як яны стаяць па калені ў вадзе. Хваля за хваляй, Дыяну адкінула на бераг два разы, але ніхто з відавочцаў не дапамог дзяўчынцы.
Па словах Андрэя, ён пабег за ратавальнікамі, хоць выцягнуць на бераг яе было можна! Стаялі людзі і проста глядзелі і здымалі на тэлефон. Усе бачылі, але ніхто не дапамог. Гэта адбылося на беразе, не ў глыбіні», — сказала яна.
На думку Анікі, у сітуацыі вінаватыя мужчыны, з якімі была Дыяна. Яна ўдакладніла, што дзяўчына была на моры ўпершыню і «шмат чаго не разумела».
«У вадзе быў Дзяніс. Андрэй з'ехаў [з Сочы пасля таго, што здарылася]. Ён тэлефанаваў і сказаў, што прывязе рэчы Дыяны і ўсё. Так, [хлопцы вінаватыя]. Яны не дапамаглі, калі была магчымасць! І наогул, у шторм падыходзіць да мора забаронена. Яны гэта ведалі! Дыяна ўпершыню на моры, ёй 20 гадоў, яна многае не разумее. Але Андрэю 31-32 гады, ён павінен быў разумець усю небяспеку і не дазволіць наогул ісці туды!»— падкрэсліла яна.
Аніка таксама заявіла, што пляж, нягледзячы на шторм, быў адкрыты. Паводле яе слоў, ратавальнікі не адразу пачалі шукаць дзяўчыну, а ў паліцыі адмовіліся прымаць заяву аб знікненні ад яе сябра.
«Пляж у шторм быў адкрыты. Ратавальнікаў і выратавальных колаў не было. Ратавальнікі не сталі адразу шукаць. І заяву ў паліцыю ад сябра не ўзялі і сказалі: «Толькі сваякі». А сваякі знаходзяцца ў Ліпецкай вобласці. Мы спрабуем датэлефанавацца да органаў увесь дзень. Яны нават не прынялі яшчэ справу. Не тэлефанавалі ў бальніцы і не рассылалі фота пра знікненне чалавека. Вельмі нядбалае стаўленне органаў улады», — дадала яна.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары