«Вы хто? Пацаны ці бабы»? Жаданне атрымаць адказ на гэта пытанне прывяло кіроўцу з Рэчыцы на лаву падсудных
38-гадовы жыхар Рэчыцы, які працуе кіроўцам у адной з арганізацый горада, у той дзень быў на дні нараджэння ў сваяка і выпіваў каньяк. Недзе каля 10-й гадзіны вечара ён адправіўся дадому і па дарозе сустрэў незнаёмых яму мужчыну і яго сына, проста прайсці міма якіх не здолеў, паведамляе прэс-служба УУС Гомельскай вобласці.

Паводле слоў пацярпелых, невядомы падскочыў да іх, калі яны ішлі ў краму, і спытаўся: «Вы хто? Пацаны ці бабы?» Пасля гэтага ён некалькі разоў ударыў кулаком у грудзі аднаго з іх, а другога штурхнуў так, што той упаў.
Сам мужчына падзеі таго сакавіцкага вечара памятаў часткова. З-за чаго напаў на людзей, адказаць ён не змог, і ўвогуле пра свае дзеянні ў той вечар збольшага даведаўся толькі пасля прагляду відэазапісу з камеры відэаназірання.
У выніку ён быў прызнаны вінаватым у злосным хуліганстве. Яму было прызначана пакаранне ў выглядзе абмежавання волі на тэрмін 1 год 6 месяцаў без накіравання ў папраўчую ўстанову адкрытага тыпу.
У Барысаве мужчына страляў з акна з пнеўматыкі і параніў 3-гадовую дзяўчынку
Мінчук пабіў барменаў у кафэ за тое, што яны не хацелі ўключаць песні для ягонай жонкі
Мінчук абраў дзіўны спосаб знаёмства з дзяўчатамі — і атрымаў крымінальную справу
Мінчук разбіў шкло на прыпынку. Цяпер ён павінен выплаціць велізарную суму
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра
Каментары