Затрыманы 18-гадовы хлопец.
![](http://nashaniva.com/img/w840d4webp1/photos/z_2024_07/farion240725-qp22g.jpg.webp)
«Міністр унутраных спраў Украіны Ігар Кліменка толькі што паведаміў мне пра затрыманьне ў Дняпры падазраванага ў забойстве Ірыны Фарыён», — напісаў у сваім тэлеграме Уладзімір Зяленскі.
Паведамляецца, што аперацыя па затрыманні была вельмі складанай. Над раскрыццём забойства працавалі сотні спецыялістаў Нацыянальнай паліцыі Украіны, СБУ і іншых службаў.
![](http://nashaniva.com/img/w732d4webp1/photos/z_2024_07/photo_2024-07-21_22-11-34-wl2m3.jpg.webp)
Затрыманы — 18-гадовы хлопец. Працягваюцца неабходныя следчыя дзеянні і экспертызы. Зяленскі даручыў міністру ўнутраных спраў давесці ўсе падрабязнасці да грамадскасці.
У былую дэпутатку Вярхоўнай Рады ад партыі «Свабода» Ірыну Фарыён стралялі ўвечары 19 ліпеня ў Львове. Падчас замаху яна атрымала цяжкое раненне, пасля якога была дастаўлена ў бальніцу, дзе і памерла праз тры гадзіны.
Каментары