Пра гэта паведамілі ў прэс-службе Першага медыцынскага аб'яднання Львова.
![](http://nashaniva.com/img/w840d4webp1/photos/z_2024_07/2024-07-19233148-ucvsq.jpg.webp)
Ірына Фарыён
«Па маёй інфармацыі ў 23:20 Ірына Фарыён памерла», — паведаміў таксама дэпутат Львоўскай гарадской рады Ігар Зінкевіч.
У былую дэпутатку Вярхоўнай Рады ад партыі «Свабода» стралялі сёння ўвечары ў Львове. Падчас замаху яна атрымала цяжкое раненне і была шпіталізаваная.
Пацыентка паступіла ў бальніцу каля 20:00 у аддзяленне неадкладнай медыцынскай дапамогі. На момант паступлення яе стан быў вельмі цяжкі. Больш за тры гадзіны лекары змагаліся за яе жыццё, але нічога зрабіць не змаглі.
Забойца Фарыён, паводле апошніх звестак, пакуль не затрыманы.
Каментары