Кампанія кандыдата ў прэзідэнты ЗША ад Рэспубліканскай партыі Дональда Трампа заявіла, што некаторыя яе ўнутраныя камунікацыі былі ўзламаныя, і абвінаваціла ў гэтым Іран.
Раней у суботу выданне Politico паведаміла, што атрымала электронныя лісты з ананімнага акаўнта, які даслаў дакументы з перадвыбарнай кампаніі Трампа. Яны змяшчалі ўнутраную камунікацыю высокапастаўленага прадстаўніка кандыдата ў прэзідэнта і даследчае дасье, сабранае кампаніяй у дачыненні да напарніка Трампа, сенатара ад Агаё Джэй Д. Вэнса.
Дасье ўключала звесткі, што кампанія Трампа вызначыла патэнцыйна ўразлівыя месцы Вэнса. Выданню таксама даслалі частку дакумента аб сенатары ад Фларыды Марка Рубіа, які быў адным з прэтэндэнтаў на тое, каб далучыцца да Трампа ў спісе Рэспубліканскай партыі.
Прадстаўнікі Трампа заявілі, што злітыя дакументы былі атрыманыя незаконна з замежных крыніц, варожых Злучаным Штатам. А іх мэта — умяшацца ў выбары 2024 года і пасеяць хаос у дэмакратычным працэсе.
У пятніцу ў новай справаздачы Microsoft было выяўлена, што іранскія хакеры ўзламалі ўліковы запіс «высокапастаўленага чыноўніка» прэзідэнцкай кампаніі ЗША у чэрвені 2024 года, што супадае з часам выбару Трампам кандыдата на пасаду віцэ-прэзідэнта.
Прадстаўнікі рэспубліканца лічаць, што за ўзломам стаіць Іран, каб супрацьстаяць жаданню Трампа спыніць тэрор. У ісламскай краіне абверглі абвінавачанні.
-
Трамп анансаваў тэлефонную размову з Пуціным
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны18
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары