Маці Мэраі Кэры Патрыцыя і 63-гадовая сястра Элісан памерлі на выходных, піша People са спасылкай на заяву спявачкі. Прычыны і абставіны смерці жанчын не паведамляюцца.
«Маё сэрца разбіта ад таго, што я страціла маці ў мінулыя выходныя. На жаль, у трагічным павароце падзей мая сястра загінула ў той жа дзень», — сказала Мэрая выданню.
87-гадовая Патрыцыя была оперная спявачкай і выкладала оперныя спевы. У сваіх мемуарах Мэрая распавядала пра складаныя адносіны з маці.
Адносіны Мэраі з сястрой Элісан таксама былі складанымі.
У сваіх мемуарах спявачка пісала, што ёй бяспечней не мець ніякіх кантактаў з сястрой і братам Морганам. Пасля выхаду кнігі Элісан падала на Мэраю ў суд з патрабаваннем выплаціць 1,2 мільёна даляраў за «велізарныя эмацыйныя пакуты».
Каментары