У пятніцу, 19 лютага, значную частку тэрыторыі Беларусі ахопяць ападкі: снег, мокры снег, па поўдні — з дажджом.
Міжземнаморскі цыклон, які вызначаў у апошнія дні надвор’е ў Беларусі, сёння прыкметна аслабеў і змясціўся на Маскоўскую вобласць.
Атмасферны ціск расце, надвор’е пачало паляпшацца, паведаміла галоўны сіноптык Рэспубліканскага гідраметэацэнтра Вольга Фядотава.
Паводле яе слоў, да сярэдзіны тыдня Беларусь яшчэ будзе знаходзіцца пад уплывам вобласці павышанага атмасфернага ціску, сфарміраванага ў вільготных паветраных масах марскога паходжання, таму значных ападкаў не чакаецца, але начныя маразы памацнеюць.
Так, у аўторак, 16 лютага, прагназуецца воблачнае з праясненнямі надвор’е. У асобных раёнах краіны магчымы невялікі снег, месцамі туман, на дарогах галалёдзіца. У начныя гадзіны чакаецца 5‑11 градусаў ніжэй за нуль, пры праясненнях тэмпература паветра панізіцца да мінус 13‑16 градусаў. Днём будзе 3‑10 градусаў марозу.
У ноч на 17 лютага слупок тэрмометра апусціцца да адзнакі мінус 7‑14 градусаў, пры праясненнях — мінус 15‑20 градусаў. У сераду днём тэмпература паветра будзе вагацца ад 2 градусаў марозу па паўднёвым захадзе да мінус 11 градусаў па паўночным усходзе.
З чацвярга, 18 лютага, на тэрыторыю Беларусі паступова пачне распаўсюджвацца больш вільготнае паветра з паўднёвага захаду Еўропы. Ноччу яшчэ будзе марозна: ад мінус 3 градусаў па паўднёвым захадзе да мінус 18 градусаў па паўночным усходзе краіны. Днём прагназуецца нуль — мінус 7 градусаў.
У пятніцу, 19 лютага, значную частку тэрыторыі Беларусі ахопяць ападкі: снег, мокры снег, па поўдні — з дажджом.Не выключаны галалёдныя з’явы. Тэмпература паветра на працягу сутак складзе ад нуля да мінус 5 градусаў, толькі ноччу па поўначы краіны чакаецца да мінус 8 градусаў.
У выхадныя дні пад уплывам актыўных атмасферных франтоў характар надвор’я будзе няўстойлівым. Пройдуць снег, мокры снег, месцамі дождж, і, як вынік, дарогі стануць слізкімі. У нядзелю, 21 лютага, у асобных раёнах магчыма мяцеліца.
Сіноптыкі абяцаюць у выхадныя ад нуля да 5 градусаў марозу, у суботу днём — ад 3 градусаў марозу да 3 градусаў цяпла
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус трапіў беспілотнік58
Каментары