Стала вядома, па якіх пяці артыкулах пачынаюць судзіць аналітыка Андрэя Паротнікава. Яму пагражае да 20 гадоў
Суд пачнецца праз два тыдні.
Андрэю Паротнікаву 46 гадоў. У маладосці служыў у міліцыі. Вядомы як палітычны і вайсковы аналітык, вёў уласны блог Belarus Security Blog. У 2022 годзе Андрэя Паротнікава пазбавілі звання капітана міліцыі запаса.
Пра яго затрыманне «Наша Ніва» паведамляла ў сакавіку 2023 года. Праз паўгода канал АНТ выпусціў фільм, у якім кадэбісты распавялі, у чым абвінавачваюць Паротнікава — у тым, што ён веў свой блог і збіраў аналітыку па Беларусі, а таксама перапісваўся з калегамі-экспертамі.
У выніку яму выставілі наступнае абвінавачванне:
- «здрада дзяржаве» (ч. 1 арт. 356 КК),
- «змова або іншыя дзеянні, здзейсненыя з мэтай захопу ўлады» (ч. 1 арт. 357 КК),
- «садзейнічанне экстрэмісцкай дзейнасці» (ч. 2 арт. 361-4 КК),
- «уваходжанні ў склад экстрэмісцкага фарміравання» (ч. 3 арт. 361-1 КК)
- «перашкода здзяйсненню выбарчых правоў» (ч. 2 арт. 191 КК).
Паротнікаву можа пагражаць да 20 гадоў калоніі.
Працэс пачынаецца 16 кастрычніка 2024 года ў Мінскім абласным судзе, пасяджэнні будуць закрытыя. Судзіць эксперта будзе Вячаслаў Тулейка. Ён жа вёў працэсы над Пратасевічам і іншымі фігурантамі справы Нехта, а таксама анархістам Ігарам Аліневічам і яго паплечнікамі.
«Наша Нiва» — бастыён беларушчыны
ПАДТРЫМАЦЬКДБ вёў «агентурныя гульні» з удзелам Паротнікава пасля таго, як «Наша Ніва» паведаміла пра яго затрыманне
Лукашэнка пазбавіў званняў 80 афіцэраў, у тым ліку з КДБ і ўласнай Службы бяспекі. Ашаламляльнае прызнанне, наколькі шмат праціўнікаў рэжыму ўнутры сілавых структур
Прапаганда выпусціла фільм пра аналітыка Андрэя Паротнікава і паказала, як запісвалі размовы з яго тэлефона
Анжаліка Мельнікава тыдзень правяла на Шры-Ланцы і вылецела з дзецьмі ў Дубай37
Каментары