Памятаеце шпіёнскую ручку, якую знайшла дома жыхарка Рагачова? Там жа знайшлі і дзіўны самаробны пісталет
Мяркуючы па ўсім, у кватэры раней жыў як мінімум фанат шпіёнскіх гісторый.
Жыхарка Рагачова купіла кватэру з сюрпрызамі. У сваім новым жытле яна знайшла шпіёнскую ручку, з якой можна было страляць. Аднак гэтая дзіўная знаходка аказалася не адзінай.
Падчас агляду ў кватэры знайшлі дзіўны прадмет, падобны да самаробнага пісталета. Самаробка складалася са ствала з муфтай, рамкі з дзяржальнам, спускавога механізму, ударнага механізму, прыцэльных прыстасаванняў.
«Канструктыўныя асаблівасці сведчылі пра тое, што ў ім маецца комплекс частак, характэрных для ручной стралковай наразной агнястрэльнай зброі», — адзначылі эксперты Дзяржкамітэта судовых экспертыз.
Паводле высноў судовага эксперта, пісталет выраблены самаробным спосабам па тыпу адназарадных пісталетаў, з'яўляецца ручной стралковай наразной агнястрэльнай зброяй, прыдатнай для стральбы патронамі 5. 6х16R (.22 Long Rifle).
Папярэдні ўладальнік кватэры памёр летась.
Каментары