Іконы і кошык для бялізны з пазалочанымі ножкамі. У Мінску прадаюць незвычайны дом ФОТЫ
Асабняк з незвычайным інтэр'ерам знаходзіцца на вуліцы Балотнай у Сцяпянцы. За някідкім фасадам хаваецца сапраўдны шык.
Дом — драўляны, 1976 года пабудовы, уцеплены і абабіты панэлямі ПВХ.
Рэканструкцыя з прыбудовамі была праведзена ў 2013 годзе. Агульная плошча дома 171 м2, жылая плошча 90,2 м2. Дом падзелены на дзве часткі з двума асобнымі ўваходамі, паведамляе агенцтва нерухомасці «Авангард».
Дом і ўчастак агароджаны плотам. Ля плота па перыметры дома выкладзеная плітка. З камунікацый — цэнтральная вада, мясцовая каналізацыя, газавае ацяпленне, электрычнасць. Участак плошчай 5,73 соткі знаходзіцца ў пажыццёва спадчыннай уласнасці. Дом ацяпляецца газавым катлом. Вышыня столі — 2,87 м.
Паведамляецца, што тут добрая транспартная развязка. Аўтобусны прыпынак за 300 метраў. У крокавай даступнасці чыгуначная станцыя «Сцяпянка».
У доме выраблены рамонт з выкарыстаннем дарагіх матэрыялаў. Пастаўлены пластыкавыя шклопакеты, металічныя дзверы.
У інтэр'еры шмат пазалоты, шыкоўных жырандоляў, абразоў і карцін з рэлігійнымі сюжэтамі. Нават кошык для бялізны ў ванным пакоі выглядае дорага — на пазалочаных ножках.
Паведамляецца, што каштуе дом 600 тысяч рублёў (або 186 тысяч даляраў).
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Гэта ж менская Сцяпанка. Вядомы раён. Так што інтэр'ер нармалёк, адпаведны, ўсё як мае быць.