У міліцыю звярнуўся ўладальнік аўтамабіля Mercedes і паведаміў, што на завулку Паповіча яго транспартны сродак хтосьці падрапаў.
Супрацоўнікі крымінальнага вышуку падчас праверкі і маніторынгу бліжэйшых камер назірання на дамах, выявілі, як пенсіянерка драпае машыну, піша Newgrodno.by.
Міліцыі ўдалося аператыўна ўстанавіць асобу зламысніцы. Ёй аказалася 71-гадовая мясцовая жыхарка.
Пажылая дама патлумачыла міліцыянтам, што праходзячы міма прыпаркаванага аўтамабіля Mercedes, правяла цвіком па яго правым баку, далей па дарозе на рынак, яна таксама падрапала яшчэ адзін аўтамабіль — Peugeot.
Вяртаючыся дадому, яна зноў праходзіла міма аўтамабіля Mercedes і зноў падрапала яго, але ўжо з іншага боку. Дарэчы, транспартныя сродкі стаялі без парушэння ПДР.
На пытанне: «З якой прычыны пашкодзілі чужыя аўтамабілі?»
Пенсіянерка адказала: «Праз сваю шкоднасць!»
Заведзена крымінальная справа па артыкуле «Хуліганства». Дарэчы, агульная сума шкоды склала 1500 рублёў.
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары