Міжнародны саюз чыстай і прыкладной хіміі (ІЮПАК) зацвердзіў афіцыйную назву для 112‑га элемента табліцы Мендзялеева — каперніцый (Copernicium).
Такое найменне прапанавалі ў ліпені 2009 года фізікі з нямецкага Інстытута цяжкіх іонаў у Дармштаце.
ІЮПАК абвясціў, што новы элемент названы ў гонар Мікалая Каперніка, які адкрыў, што Зямля круціцца вакол Сонца. Да цяперашняга часу 112‑ы элемент называлі унунбіем, або эка‑ртуццю.
Каперніцый — самы цяжкі з афіцыйна прызнаных элементаў. Ён быў упершыню сінтэзаваны ў лютым 1996 года на паскаральніку цяжкіх іонаў у Інстытуце цяжкіх іонаў у Дармштаце.
Усе элементы цяжэй за 92‑гі, уран, не сустракаюцца ў прыродзе.
Для іх атрымання выкарыстоўваюцца паскаральнік элементарных часціц. Расійскімі навукоўцамі ў Дубне былі атрыманыя элементы з нумарамі 113‑116 і 118, аднак афіцыйна яны пакуль не прызнаныя.
Супрацоўнікі нямецкага Інстытута цяжкіх іонаў ўжо не ершы раз выбіраюць імёны для хімічных элементаў — дзякуючы ім у табліцы Мендзялеева з’явіліся борый, хасій, мейтнерый, дармштацый і рентгеній.
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек33
Каментары