На плошчы Свабоды ў Тбілісі сабралася шматлюдная акцыя ў падтрымку руху краіны ў ЕС пад назвай «Грузія выбірае Еўрасаюз». Акцыя праходзіць за шэсць дзён да вызначальных парламенцкіх выбараў.
Пра гэта піша «Еўрапейская праўда» са спасылкай на Formula news.
Грамадскае шэсце стартавала з 5 месцаў Тбілісі. Людзі сабраліся на плошчы Марджанішвілі, вуліцы Амагалі, абеліску 300 Арагвелі, плошчы Герояў і плошчы Рэспублікі і прайшлі да плошчы Свабоды.
Ahead of crucial parliamentary elections in Georgia, massive pro- EU march is underway in #Tbilisi.
#GeVote2024 pic.twitter.com/VyLPUnX2vy
Разам з грамадзянамі да маршу далучыліся прадстаўнікі еўрапейскіх палітычных партый.
На плошчу Свабоды прыбыла і апазіцыйны прэзідэнт Грузіі Саломэ Зурабішвілі. На ўчорашнім брыфінгу прэзідэнт адзначыла, што важна, каб людзі выйшлі на вуліцу і праявілі сваю волю.
Яна таксама заклікала галасаваць за праеўрапейскія апазіцыйныя партыі.
A river of people in Tbilisi today, as the country will vote in its historic election in six days. People took to the streets to demonstrate that the only future they envision is with the EU! pic.twitter.com/eBDNq0OVRN
Пасля выступленняў спікераў на плошчы Свабоды запланаваны мітынг-канцэрт, у якім возьмуць удзел шэраг грузінскіх музыкаў.
Марш «Грузія выбірае ЕС» арганізаваны грамадскімі актывістамі ў адказ на дэ факта прыпыненне ўступлення Грузіі ў ЕС з-за дзеянняў урада.
Ледзь не ўпершыню ў сучаснай гісторыі Грузіі апазіцыйныя сілы і стратэгічныя партнёры ва ўнісон абвінавачваюць дзейную ўладу ў змене знешнепалітычнага вектара краіны і спрыянні расійскім інтарэсам. Як вынік, урад Грузіі атрымаў поўную міжнародную ізаляцыю як ад ЗША, так і ад Еўрасаюза.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары