«Замест 100 кітайцаў трэба 140 беларусаў». Кіраўнік «БелДжы» патлумачыў розніцу паміж беларускімі і кітайскімі работнікамі
Генеральны дырэктар СЗАТ «Белджы» Генадзь Свідзерскі у эфіры тэлеканала СТБ патлумачыў розніцу ў менталітэце беларускіх і кітайскіх работнікаў.
Гендырэктар «Белджы» спачатку адзначыў адрозненне, якое пачуў ад свайго намесніка:
— Якое б вы пытанне ні задалі [кітайцам], заўсёды атрымаеце адзін і той жа адказ — гэта не маё пытанне. У нас усе ведаюць, што яму трэба рабіць, што не трэба.
Але з іншага боку, кітайцы больш прадуктыўныя.
— На канвеер трэба паставіць 100 чалавек, каб выпусціць тысячу аўтамабіляў. У Кітаі, калі чалавек прыходзіць на працу, яму гавораць — у цябе водпуск будзе 10 дзён у годзе, хварэць ты можаш пяць дзён, пажадана добра выхоўваць дзяцей, таму што пенсійнае забеспячэнне там прадугледжана вельмі сціплае. І працаваць ты павінен звышурочна, калі неабходна.
У беларусаў, як верыць Свідзерскаму, вольніца:
— Калі паглядзець на Беларусь, то ў нас адпачынак 30 дзён, хварэў сам, потым даглядаў дзіця, потым быў ваенкамат, вучоба і гэтак далей. Дзе стаіць 100 кітайцаў, вам трэба паставіць 140 беларусаў.
На пытанне вядоўцы, ці сам гендырэктар працаголік, той адказаў:
— Не думаю. Я заўсёды гавару: трэба так добра працаваць, каб потым не працаваць. Калі ўсё наладзіць, то яно потым працуе само. Хаця цяпер ужо аналізую — у мяне ўсё ж такі вялікі стаж працы, у наступным годзе будзе 50 гадоў майго працоўнага стажу — я злавіў сябе на думцы, што праца настолькі выцясняла ўсё астатняе, што я зразумеў: і адпачываць трэба вучыцца. Увесь час не хапала часу з-за працы.
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары