«Такіх чэргаў не было з лета». Што робіцца на беларуска-польскай мяжы

Больш за 1300 легкавых аўто, амаль 80 аўтобусаў

Чарга на ўезд у Польшчу па стане на 14:00 1365 легкавых аўто і 78 аўтобусаў, — распавялі ў памежным ведамстве.

«Нязначная колькасць легкавікоў фіксуецца перад літоўскімі пунктамі пропуску «Меднікі» («Каменны Лог») і «Шальчынінкай» («Беняконі»). Што тычыцца грузавога трафіку, то самы загружаны маршрут у ЕС для фур праходзіць праз літоўскі пункт пропуску «Шальчынінкай» («Беняконі»), піша Onliner.by,

Павялічыць

«Канікулы ў школах паўплывалі»

У Брэсце кажуць, што даўно не бачылі такіх чэргаў на мяжы, прынамсі, не бачылі з лета. Але летам — сезон адпачынкаў.— Амаль 1,5 тыс. легкавых аўто ў электроннай чарзе, 75 аўтобусаў было ў выходныя.

«З цяжкасцю такое ўзгадваю. Мяркуючы па ўсім, канікулы ў школах паўплывалі», — выказаў меркаванне адзін з чытачоў.

У чатах, прысвечаных тэме перасячэння мяжы, рэгулярна з’яўляецца інфармацыя пра спазненне рэйсавых аўтобусаў. Аўтобусы затрымліваюцца на гадзіны з-за працяглага чакання на мяжы, пасля чаго спазняюцца і на вяртанне з польскіх гарадоў.

Напрыклад, паводле аднаго з паведамленняў, аўтобус па маршруце Варшава — Мінск, які павінен быў адправіцца з Варшавы 27 кастрычніка ў 23:00, будзе выкананы з затрымкай — адыдзе толькі ў 10:30 28 кастрычніка з-за працяглага праходжання мяжы паміж Беларуссю і Польшчай. Гэта значыць, што затрымка складала 11 гадзін 30 хвілін.

У той жа час у паведамленнях амаль не сустракаюцца скаргі на працэдуру праходжання мяжы і мытны кантроль.

У некаторых пасажыраў правяраюць багаж праз рэнтген: «Сёння наш аўтобус праводзілі праз рэнтген. Макароны, кашы, салаты ў банках, вада, шакалад, агуркі — нічога не заўважылі. Але пасля памежнага кантролю стаяць смеццевыя бакі з надпісамі «Малочныя прадукты», «Садавіна», «Агародніна».

Некаторыя пасажыры знаходзяць спосабы абыйсці доўгае чаканне, перасаджваючыся ў іншыя аўтобусы, якія знаходзяцца бліжэй да пачатку чаргі. Мяркуючы па інфармацыі з тых жа чатаў, спробы перасаджвання часам аказваюцца паспяховымі.

Напрыклад, пасажыр прыбывае на мяжу на адным аўтобусе, а затым ідзе ўздоўж чаргі ў пошуках месца ў іншым, які стаіць бліжэй. Часта перасадка патрабуе дадатковай платы, параўнальнай з коштам поўнага білета на гэты ж рэйс. Бывалі выпадкі, калі ў чарзе займалі месцы пустыя аўтобусы, якія затым прымалі на борт усіх пасажыраў нядаўна прыбыўшага рэйса, — такі лайфхак выкарыстоўвалі некаторыя перавозчыкі.

Аднак пасля таго, як сітуацыяй занялася Транспартная інспекцыя, у дачыненні да перавозчыкаў былі прыняты жорсткія меры і накладзены значныя штрафы. Адкрыты продаж месцаў у чарзе спыніўся.

• 6
• 2
• 2
• 1
• 0
• 1
• 1
• 1