Моцна п'яны жыхар Пухавіцкага раёна вырашыў дапамагчы суседцы распілаваць дровы — усё скончылася трагедыяй
Мужчына быў прафесійным вальшчыкам лесу, але сілы свае пераацаніў.
Жыхарка вёскі Селецк Пухавіцкага раёна купіла дровы і папрасіла суседа, які быў вальшчыкам лесу, іх распілаваць.
Мужчына адгукнуўся на просьбу і прыйшоў да суседкі з бензапілой. Пры гэтым быў вельмі п'яны.
Праз некаторы час жанчына ўбачыла, што сусед ляжыць на зямлі і не падае прыкмет жыцця. На ягоных шыі і плячы былі бачныя раны. Гаспадыня выклікала хуткую, але выратаваць мужчыну не ўдалося, паведамляе Дзяржкамітэт судовых экспертыз.
Эксперты вызначылі, што ў крыві ў загінулага было 3,1 праміле алкаголю — гэта цяжкая ступень інтаксікацыі, якая нават сама па сабе можа прывесці да смерці. Тым не менш, мужчына ў такім стане пайшоў пілаваць дровы з дапамогай бензапілы, парушыў тэхніку бяспекі і выпадкова нанёс сабе смяротныя калецтвы.
Яўген Дудкін патлумачыў, чаму стаў сакрэтным агентам КДБ16
Каментары