У Кіеве паліцыянты шэсць разоў куплялі паслугі прастытутак — усё дзеля следчага эксперыменту
У рамках расследавання крымінальнай справы супраць меркаваных сутэнёраў, украінскія сілавікі вырашылі максімальна пагрузіцца ў тэму.
Украінскія сілавікі расследавалі справу аб арганізацыі бардэля, падазраванымі праходзілі грамадзянка Грузіі і дзве ўкраінкі.
Як стала вядома ў судзе, паліцыянты шэсць разоў праводзілі своеасаблівыя следчыя эксперыменты — яны займаліся сэксам з прастытуткамі, піша ТСН.
З верасня па кастрычнік 2022 года прадстаўнік паліцыі падчас следчага эксперыменту тройчы заказваў такія паслугі і заплаціў за гэта 4500 грыўняў (прыкладна 100 даляраў). У лістападзе 2022-га яшчэ адзін прадстаўнік паліцыі скарыстаўся паслугамі прастытутак, заплаціўшы за гэта 1600 грыўняў (каля 40 даляраў).
У студзені 2023 года яшчэ два сілавікі паўдзельнічалі ў такіх следчых эксперыментах, заплаціўшы 2000 і 5000 грыўняў (48 і 120 даляраў).
Пасля гэтага падазраваных у арганізацыі бардэля затрымалі. На судзе жанчыны віну адмаўлялі: яны сцвярджалі, што не былі сутэнёркамі, а толькі займаліся прастытуцыяй. Таксама яны абвінавацілі паліцыю ў помсце: па іх словах, сілавікі прапаноўвалі працаваць на іх, аднак тыя адмовіліся.
Жанчынам у выніку далі па чатыры гады калоніі.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары