Намеснік прэм'ер-міністра Сербіі Аляксандр Вулін прыехаў у Мінск для ўдзелу ў арганізаванай беларускімі ўладамі канферэнцыі па еўразійскай бяспецы, якая пройдзе 31 кастрычніка — 1 лістапада. Паездку ён скарыстаў і для таго, каб пазнаёміцца з вопытам мясцовых сілавікоў.
Прэс-служба МУС паведамляе, што Аляксандр Вулін сустрэўся з міністрам унутраных спраў Беларусі Іванам Кубраковым. Сустрэча прайшла ў вёсцы Гарані пад Мінскам, дзе размешчаны цэнтр падрыхтоўкі, павышэння кваліфікацыі і перападрыхтоўкі міліцэйскіх кадраў.
Сербскаму госцю паказалі выставу ўзбраення і тэхнікі, якую прымяняюць Мінскі АМАП, унутраныя войскі і спецпадраздзяленне «Алмаз».
«Разам з сербскімі сябрамі мы гатовыя да працягу партнёрства па ўсіх напрамках службовай дзейнасці», — падкрэсліў Кубракоў.
Як паведамляецца, асаблівую цікавасць у сербскіх гасцей выклікалі напрацоўкі беларускага МУС па барацьбе з кіберзлачынствамі і незаконнай міграцыяй.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары