У Луганскай вобласці расійскі вайсковец вырашыў паказаць дзіцяці, як працуе гранатамёт — загінулі абодва
Школьнік прыехаў да бацькі, які ўдзельнічае ў расійскім нападзе на Украіну.

Ілюстрацыйнае фота: AP / Леа Карэа
13-гадовы школьнік са Стаўрапаля разам з мамай прыехаў наведаць бацьку ў акупаваны расіянамі Далжанскі раён Луганскай вобласці.
Камандзір расійскага падраздзялення вырашыў паказаць дзіцяці, як страляе гранатамёт. Але пры стрэле боепрыпас разарваўся ў ствале, піша Baza.
Расійскі вайсковец загінуў на месцы. Школьніка з сур'ёзнымі траўмамі павезлі ў бальніцу, але выратаваць не змаглі. Бацька хлопчыка таксама атрымаў асколачныя раненні, але выжыў.
Тэрыторыя Далжанскага раёна Луганскай вобласці Украіны з 2014 года знаходзіцца пад кантролем прарасійскіх сепаратыстаў і расійскіх войскаў.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Каментары
Больше в деревне никто не живет