Свет1010

Падлік галасоў у ЗША. Трамп лідзіруе, перамагаючы ў хісткіх штатах

Дональд Трамп папярэдне перамог у Аклахоме, Фларыдзе, Алабаме, Місуры, Кентукі, Заходняй Віржыніі. Харыс — у Мэрылэндзе, Дэлаверы, Вермонце і Масачусэтсе.

AP Photo

Паведамляецца, што Дональд Трамп папярэдне перамог у Аклахоме, Фларыдзе, Алабаме, Місуры, Кентукі, Заходняй Віржыніі. Харыс — у Мэрылэндзе, Дэлаверы, Вермонце і Масачусэтсе, Ілінойсе.

Сачыць можна тут на сайце CNN

За Трампа (у дужках — колькасць электаральных галасоў): Алабама (9), Фларыда (30), Місісіпі (6), Місуры (10), Аклахома (7), Тэнэсі (11).

За Харыс: Канэктыкут (7), Дэлавэр (3), акруга Калумбія (3), Ілінойс (19), Мэрыленд (10), Масачусэтс (11), Нью-Хэмпшыр (4), Род-Айлэнд (4).

У хісткай Пенсільваніі пасля падліку 3 працэнтаў бюлетэняў перамагае ўпэўнена Харыс. Але Пенсільванія дае 19 галасоў Калегіі выбаршчыкаў.

Інтэрактыўная карта на сайце AP. Штаты за Трампа — чырвоныя, за Харыс — сінія

Частка ўчасткаў зачыніліся таксама ў Канзасе, Тэхасе, Паўночнай і Паўднёвай Дакотах і ў хісткім штаце Мічыгане.

Мяркуючы па дынаміцы, Харыс скарачае адрыў. Ранейшы адрыў Трампа быў большы.

Трамп пакуль лідзіруе з вынікам 101 на 71, каб перамагчы, трэба набраць 270 галасоў Калегіі выбаршчыкаў.

Што праўда, розныя СМІ даюць розныя вынікі.

AP: Трамп — 177, Харыс — 79

Fox News: у Трампа 178 галасоў, у Харыс — 113.

CNN: у Трампа 154 галасоў, у Харыс — 81.

05:39

Трамп лідзіруе ў ключавым штаце Вісконсін з 60,7% супраць 38,0% у Харыс, паведамляе Асашыэйтэд Прэс пасля падліку 3% галасоў.

Такім чынам, да гэтай хвіліны за Трампам тры з сямі ключавых Штатаў (Вісконсін, Джорджыя, Паўночная Караліна), за Харыс — два (Мічыган і Пенсільванія), яшчэ галасы ў двух ключавых штатах — Арызоне і Невадзе — пакуль не лічылі.

06:15

Дональд Трамп упершыню выйшаў наперад у Пенсільваніі — найважнейшым хісткім штаце

Пакуль апрацаваныя 48% галасоў. У Трампа — 50,1%, у Харыс — 48,9%.

06:25

Трамп перамагае ў Юце, Ваёмінгу, Мантане, Паўночнай і Паўднёвай Дакотах, Канзасе, Місуры.

Харыс перамагае ў Каларада.

07:00

Трамп — 216, Харыс — 193

Трамп перамог у Канзасе і Аёве. Харыс атрымала адзін з чатырох галасоў выбаршчыкаў у Мэне.

Штаты, дзе перамагае Трамп, выдзеленыя чырвоным. Фота: Fox News

У Аёве Трамп пасля падліку больш за палову галасоў лідзіруе на 13 з лішнім адсоткаў — гэта ўдар па марах дэмакратаў пасля нядаўняга апытання надзвычай паважанага мясцовага полстэра Эн Селзер з 3-адсоткавай перавагай Харыс.

Цяпер у Харыс, хутчэй за ўсё, застаўся толькі адзін шлях да прэзідэнцтва — тры паўночныя хісткія штаты (Мінесота, Мічыган, Вісконсін — што дасць 35 галасоў): «сіняя сцяна»

На карце штаты, дзе перамагае Трамп, выдзеленыя чырвоным, Харыс — сінім

Харыс перамагла ў Каліфорніі, Арэгоне і Вашынгтоне (74 галасы)

AP дае 214 у Трампа, 179 у Харыс.

07:40

Трамп выйграў першы хісткі штат

Associated Press піша пра перамогу Дональда Трампа ў ключавой Паўночнай Караліне (16 галасоў выбаршчыкаў).

Паводле AP, у Трампа — 230 галасоў у Калегіі выбаршчыкаў, у Харыс — 192.

08:23

Харыс значна скараціла адставанне

Паводле Fox News, у Харыс — 216 галасоў у Калегіі выбаршыкаў, у Трампа — 232.

Віцэ-прэзідэнт перамагла ў Каліфорніі, Арэгоне, штаце Вашынгтон.

Ідзе падлік у Мінесоце, Мічыкане, Вісконсіне, Невадзе, Джорджыі і Пенсільваніі.

Чырвоным пазначаныя штаты, дзе перамагае Трамп, сінім — Харыс. Белы колер — ідзе падлік. Карта Fox News

08:40

Трамп перамог у другім хісткім штаце — Джорджыі

Пра гэта паведамляе NBC.

Штат прадаставіць яму яшчэ 16 галасоў выбаршчыкаў. Цяпер у Трампа — 248 галасоў з 270

***

У ЗША дзейнічае сістэма электараў — дэлегаваных выбіральнікамі асоб, якія ўласна і абіраюць прэзідэнта. Іх колькасць у кожным штаце прапарцыйная памеру насельніцтва. Напрыклад, у самага густанаселенага штата Каліфорнія 54 электары, а ў Ваёмінга, дзе мала людзей, — 3. 

Спачатку амерыканцы галасуюць. А пасля электары прадстаўляюць зроблены выбар. Калі ў штаце большасць прагаласавала за Трампа, то галасы ўсіх электаў гэтага штата будуць ягоныя. Такое правіла дзейнічае амаль ва ўсіх штатах, апроч Нябраскі і Мэна.

Усяго ў калегіі 538 электары. Каб перамагчы на выбарах, кандыдату трэба набраць больш за палову галасоў — 270 і больш.

З-за асаблівасцяў такой сістэмы часам пераможцам выбараў можа стаць кандыдат, які прайграў агульнанацыянальнае галасаванне.

Каментары10

  • Улугбек
    06.11.2024
    Трамп выйграў.
  • %
    06.11.2024
    Тут было ад пачатку зразумела, што пераможа гэты блазан. Ну нічога не паробіш бо абое есьць вельмі дрэннымі кандыдатамі, ў ЗША даўно няма сур'езных палітыкаў, вельмі даўно. Зараз будзем бачыць як гэты будзе залагоджваць Пуціна і руйнаваць сусьветны парадак на карысьць аўтакратаў і дыктатараў
  • хісткі бывае толькі мост
    06.11.2024
    што сталася з мовай выдання?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Стала вядома, за што будуць судзіць першага намесніка начальніка Кіраўніцтва справамі Лукашэнкі2

Стала вядома, за што будуць судзіць першага намесніка начальніка Кіраўніцтва справамі Лукашэнкі

Усе навіны →
Усе навіны

Трамп заявіў, што яны з Пуціным могуць зрабіць нешта «значнае» для спынення вайны Расіі ва Украіне16

Былы камандзір Палка Каліноўскага Дзяніс «Кіт» Прохараў расказвае, чым цяпер займаецца50

Навуковец з Гомеля выкрыў маштабную фальсіфікацыю вынікаў перапісу ў Беларусі. Але ёсць нюанс24

Беларус паўгода «інвеставаў» грошы махлярам і страціў 120 тысяч рублёў1

Медыкі канчаткова вызначылі, ці шкодна есці бульбу7

«Кроў вайны». Чым важныя атакі Украіны на расійскія НПЗ і ці ёсць ад гэтага эфект1

Нямецкі Бундэстаг адхіліў законапраект аб пастрожанні міграцыйнага заканадаўства8

З 1 лютага ЗША ўводзяць высокія мыты супраць тавараў з Кітая, Канады і Мексікі25

Расія ўдарыла ракетамі па Адэсе

больш чытаных навін
больш лайканых навін

Стала вядома, за што будуць судзіць першага намесніка начальніка Кіраўніцтва справамі Лукашэнкі2

Стала вядома, за што будуць судзіць першага намесніка начальніка Кіраўніцтва справамі Лукашэнкі

Галоўнае
Усе навіны →

Заўвага:

 

 

 

 

Закрыць Паведаміць