Эканоміка1111

«Яндэкс» рыхтуецца перанесці масавую вытворчасць разумных тэлевізараў з Кітая ў Беларусь

Беларускія спецыялісты ўжо вучацца ў Кітаі.

«Яндэкс» пачаў выпуск «разумных» тэлевізараў серыі «ТВ Станцыя» з галасавым памочнікам «Аліса» на заводзе H-tv у Мінску. Як паведамляе Forbes, расіяне інвеставалі 2 мільёны долараў у новыя рабатызаваныя вытворчыя лініі.

Завод H-tv уваходзіць у склад беларускага H-holding, вядомага таксама пад брэндам «Гарызонт». На заводах холдынга, у тым ліку H-tv, збіраюцца тэлевізары пад рознымі брэндамі, сярод якіх Dexp, Harper, Hartens, а цяпер і «Яндэкс».

У чэрвені на прадпрыемстве была выпушчана тэставая партыя з 230 тэлевізараў, якія ўжо паступілі ў продаж, піша выданне. З жніўня вытворчасць будзе перанесена на новыя канвееры.

Паводле намесніка дырэктара H-tv Мікалая Мана, прадпрыемства стане толькі пляцоўкай для зборкі, а ўсім іншым (у тым ліку прасоўваннем і продажамі) будзе займацца «Яндэкс». 

Прэс-служба «Яндэкса» кажа пра супрацоўніцтва з рознымі вытворцамі, пляцоўкі для зборкі могуць вар'іравацца.

На заводзе H-tv у Мінску рыхтуюць новую вытворчую пляцоўку з дзвюма рабатызаванымі канвеернымі лініямі па зборцы тэлевізараў. Паводле намесніка дырэктара H-tv Мікалая Мана, кожная лінія патрабуе ўсяго 12 супрацоўнікаў у змену замест звычайных 38.

Беларускія спецыялісты прайшлі навучанне ў Кітаі, каб пасля не толькі працаваць, але і навучаць іншых. Выпуск тэлевізараў «Яндэкса» на новай пляцоўцы ацэньваецца ў сотні тысяч штук на год. H-tv гатовы павялічыць свой агульны выпуск з 3 млн да 7 млн тэлевізараў на год. Прырост магутнасці хочуць забяспечаць не толькі дзякуючы тэлевізарам «Яндэкса», але і іншых брэндаў, кажа Ман.

Перанос вытворчасці з Кітая ў Беларусь, акрамя лагістычных пераваг, дасць «Яндэксу» магчымасць сэканоміць на мытных зборах, піша выданне.

Каментары11

  • Жвір
    16.07.2025
    Тэлевізары - гэта ўжо адміраючая тэхніка, якой мала хто карыстаецца, кшталту, як калёсы на сяле, ня шмат дзе імі яшчэ карыстаюцца. Дык якія перспектывы ? Ці не таму насамрэч Яндэкс пераносіць зборку ў Беларусь, бо Кітай проста не жадае больш пераймацца такой справай ?
  • фгдс
    16.07.2025
    Жвір , ну прыемна ж на вялікім экране глядзець што-небудзь усёй сям'ёй
  • Кідай параз 2 гады забярэ Вонкаваю Маньчжурыю
    16.07.2025
    НЕ дапаможа, Кідай параз 2 гады забярэ Вонкаваю Маньчжурыю, ў маскоўскіх імперыялістаў

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

За паўстагоддзя харчовая піраміда перавярнулася з ног на галаву. Раней раілі есці больш хлеба, а цяпер — мяса

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць