Нерухомасць

Кватэры, якія знаходзяцца ў працэсе прыватызацыі, могуць зноў стаць дзяржаўнымі. Пры якой умове?

Такія выпадкі ўжо былі не раз.

Па якіх прычынах кватэры, якія знаходзяцца ў працэсе прыватызацыі, могуць зноў стаць дзяржаўнымі і хто ў зоне рызыкі, агенцтву «Мінск-Навіны» расказалі ў адміністрацыі Ленінскага раёна сталіцы.

Згодна з Указам Лукашэнкі ад 16.12.2013 № 563 «Аб некаторых пытаннях прававога рэгулявання жыллёвых адносін» прыватызацыя памяшканняў дзяржаўнага жыллёвага фонду завяршылася 30 чэрвеня 2016 года. Былым наймальнікам, якія заключылі дагавор на прыватызацыю і аплацілі не менш за 10% ад ацэначнага кошту кватэры, належыць уносіць астатнюю суму ў растэрміноўку роўнымі долямі тэрмінам да 40 гадоў.

Кошт прыватызацыі і, адпаведна, штомесячных плацяжоў вызначаўся ў залежнасці ад розных фактараў — месца размяшчэння кватэры, яе спажывецкіх якасцяў, індэкса якасці навакольнага асяроддзя, ступені зносу дома і іншых. Для адных уласнікаў разавая выплата можа складаць некалькі рублёў, для іншых — дзясяткі рублёў. Парадак разлікаў за прыватызацыю падобны з унясеннем плацяжоў за жыллёва-камунальныя паслугі.

Адрозненне ў тым, што злосным даўжнікам па рашэнні суда пагражае не высяленне ці прымус да адчужэння жылога памяшкання, як у выпадку з пратэрміноўкай за камуналку, а змяненне статусу кватэры — яна перастае быць уласнасцю грамадзяніна і зноў становіцца дзяржаўнай.

Пры гэтым пераводзіцца ў разрад арэнднай з наступнай платай не толькі за ЖКП, але і за карыстанне жылым памяшканнем.

Намесніца кіраўніка адміністрацыі Ленінскага раёна Дар'я Давідовіч расказвае, што даўжнікам яны спачатку дасылаюць апавяшчэнні, каб заплацілі.

«Так, за дзевяць месяцаў 2024-га накіравана 210 апавяшчэнняў. Акрамя таго, маем зносіны з уладальнікамі квадратных метраў па тэлефоне, запрашаем іх у аддзел жыллёвай палітыкі адміністрацыі для больш дэталёвай гутаркі. Тлумачым, што пытанне аплаты лепш вырашыць, не даводзячы яго да суда.

Сёлета даўжнікам раёна накіравалі 44 апавяшчэнні з патрабаваннем аплаціць запазычанасць у парадку дасудовага ўрэгулявання спрэчкі. У суд Ленінскага раёна пададзена:

— сем іскавых заяў аб скасаванні дамовы прыватызацыі, з якіх тры задаволеныя, па двух справа спыненая ў сувязі з пагашэннем доўгу, яшчэ дзве знаходзяцца на разглядзе;

— 13 пазоваў аб спагнанні запазычанасці, з якіх сем задаволеныя, па двух адказнікі разлічыліся з абавязкам.

У цэлым сумы запазычанасці па Ленінскім раёне не такія значныя. На канец верасня мелася запазычанасць па аплаце за тры і больш месяцаў па 26 дагаворах на суму 7 974 рублі 53 капейкі, у тым ліку звыш года лічыўся доўг у памеры 5 336 рублёў 11 капеек па 11 дагаворах прыватызацыі.

«Калі казаць пра тэндэнцыі, то ў апошнія гады колькасць даўжнікоў зніжаецца. Напрыклад, на канец красавіка 2022-га ўласнікам з пратэрмінаванай запазычанасцю звыш трох месяцаў накіравалі больш за 300 апавяшчэнняў аб пагашэнні доўгу ў добраахвотным парадку, на разглядзе ў судзе знаходзіліся 26 пазоваў».

Даведацца аб запазычанасці і пагасіць яе можна праз сістэму АРІП па наступным шляху: «Нерухомасць» — «Прыватызацыя» — «Мінск» — «ГФУ Мінгарвыканкама» — «Прыватызацыя жылых памяшканняў».

У апошнім падраздзеле пад кодам паслугі трэба ўнесці нумар дамовы, і праграма выставіць суму доўгу. Таксама па пытаннях наяўнасці запазычанасці можна звярнуцца ў фінансавы аддзел адміністрацыі раёна.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Усе навіны →
Усе навіны

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца48

Следчы камітэт палохае наступствамі за святкаванне Дня Волі14

Атакаваная газавымяральная станцыя «Суджа» ў Курскай вобласці7

Каралеву бурлеску ўсёй Масквы збілі 8 сакавіка проста падчас выступу4

У 45 гадоў памёр начальнік з Ленінскага РАУС Магілёва12

Чаму мы ўлюбляемся? Навукоўцы абвяргаюць стэрэатыпы16

185 гадоў таму нарадзіўся Францішак Багушэвіч — адзін з пачынальнікаў новай беларускай літаратуры2

У Беларусі ствараюць «адукацыйны хаб не горшы за Гарвард». Што гэта будзе?8

Сяброўка Веры Паляковай-Макей спрабуе прадаць элітны салон прыгажосці больш чым за мільён даляраў23

больш чытаных навін
больш лайканых навін

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Галоўнае
Усе навіны →

Заўвага:

 

 

 

 

Закрыць Паведаміць