«Лукашэнка першым адчуе катастрофу Пуціна» — Святлана Алексіевіч у вялікай гутарцы ТОК
Толькі пасля гэтага ён вызваліць палітвязняў, мяркуе пісьменніца.
У новым выпуску ТОКу пісьменніца і нобелеўская лаўрэатка Святлана Алексіевіч паразважала пра тое, што можа прымусіць Лукашэнку вызваліць палітвязняў. Яна заўважыла, што на дадзены момант не бачыць ніякай магчымасці. «Ён ставiцца да іх як да тавару».
Алексіевіч расказала, што падпісвала шмат лістоў, гаварыла пра гэту праблему з прэзідэнтам Францыі Макронам.
«Я нават званіла Макрону і гаварыла з яго памочнікамі, перад гэтым таксама з ім гаварыла. «Нешта трэба рабіць. Лукашэнка спрабуе павярнуцца ў бок Еўропы. Можа быць, гэтыя яго ваганні выкарыстаць?» Я не верыла, што ён адпусціць Марыю [Калеснікаву], але хаця б дзясятак іншых людзей вызваліць.
Мне сказалі: «Ведаеце, чаго ён захоча? Ён захоча зняцця санкцый, а мы гэта не можам зрабіць». І гэта так. Яны на гэта не пойдуць», — дзеліцца Алексіевіч некаторымі аспектамі размовы.
«Вызваліць людзей можа, толькі калі будзе катастрофа Пуціна. І Лукашэнка першы гэта адчуе. І вось тады пачнецца нейкі гандаль», — адзначае Алексіевіч.
Глядзіце цалкам:
Цяпер чытаюць
ЗША перадалі Лукашэнку найноўшыя амерыканскія лекі для пахудзення15
Каментары
Другі пункт — забастоўка. Прызначыць кожнаму кіроўцу грамадскага транспарту і машыністу дапамогу, якая перавышае зарплату ў 3 разы. Напрыклад, у горадзе Свіслач Гродзенскай вобласці кіроўцы атрымліваюць 700 рублёў, а ў Мінску — каля 2000–2300 рублёў. У кіберпартызан ёсць базы ФСЗН, можна знайсці ўсю інфармацыю праз «вока Бога», уключаючы сацыяльныя сеткі і нумары тэлефонаў, і выйсці з імі на сувязь праз Telegram, «УКантакце», Facebook, Instagram і інш. Усяго кіроўцаў і машыністаў каля 10 000 (звесткі чата GPT). Стане грамадскі транспарт — спыніцца ўся краіна. Замяніць усіх «штрэйкбрэхерамі» не атрымаецца: напрыклад, ім трэба будзе забяспечыць жыллё, калі іх прывязуць з РФ; па-другое, у іх там саміх будзе дэфіцыт кіроўцаў; па-трэцяе, у РФ застануцца іх сем’і, то-бок, адпрацуюць месяц-два, а потым захочуць вярнуцца.
Дзе ўзяць грошы? Арганізаваць фонд «Дэмакратычная Беларусь» у ЗША, куды Аркадзь Дабкін мог бы ахвяраваць грошы — ягоны капітал, здаецца, каля 3 мільярдаў — і атрымаць скарачэнне падаткаў на гэту суму.
Беларусы — прагматычныя людзі, таму і план дэмакратызацыі павінен быць прагматычным.