Лукашэнка заклікаў не зважаць на псіхіку дзяцей тады, калі трэба праводзіць прапаганду
Аляксандр Лукашэнка, выступаючы на сумесным расійска-беларускім прапагандысцкім мерапрыемстве ў Валгаградзе, заявіў, што школьнікам неабходна дэманстраваць архіўныя кадры ваенных дзеянняў без цэнзуры, нават калі гэта можа траўмаваць іх псіхіку. Маўляў, цяпер «не час разважаць пра наступствы».
«Лічбы і факты важныя, але яшчэ важнейшыя эмоцыі і сэнсы. І кадры ваеннай хронікі — без купюр», — падкрэсліў Лукашэнка.
Ён адзначыў, што падобныя матэрыялы актыўна выкарыстоўваюцца як у Расіі, так і ў Беларусі.
«Не час разважаць пра траўмаваную псіхіку дзяцей, якія могуць убачыць гэтыя страшныя здымкі і відэа, якія мы часта дэманструем… Не трэба тут нам дрыжаць, што хтосьці гэта ўбачыць паменш, пабольш. А як ім растлумачыць, чаму мы сёння адчайна змагаемся за гэтую гістарычную памяць?» — заявіў Лукашэнка.
Пры гэтым ён прызнаў, што сучаснаму пакаленню складана адчуць падзеі Другой сусветнай вайны, ад часу заканчэння якой прамінула ўжо 80 гадоў.
«Ужо няма нерва той эпохі. Але яны павінны бачыць праўду і рабіць высновы», — лічыць Лукашэнка.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі
Азаронак так стараўся хутчэй расхваліць Лукашэнку, што спехам запосціў крамолу
Аляксандру Лукашэнку цяжка далося ўскладанне вянкоў на Мамаевым кургане ВІДЭА
Перад прылётам Лукашэнкі ў Валгаград адключылі інтэрнет
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары