Чатырохпакаёвую кватэру, у якой жыў беларускі класік Кандрат Крапіва, выставілі на продаж. Менавіта тут ён напісаў дзве апошнія п'есы. І з усіх адрасоў, якія змяніў пісьменнік за жыццё, на гэтым доме вісіць мемарыяльная дошка ў яго гонар.
Гэта дзевяціпавярховая сталінка каля станцыі метро «Акадэмія Навук». На першым паверсе там цяпер крама «Кравт» і салон свяцілень. А з сярэдзіны 60-х на трэцім паверсе ў гэтым доме жыў беларускі пісьменнік Кандрат Крапіва разам з сям'ёй.
Хоць гэты адрас быў не адзіным за ўсё жыццё класіка, мемарыяльная дошка вісіць менавіта на гэтым доме. Яшчэ Кандрат Атраховіч (гэта сапраўднае прозвішча Крапівы) паспеў пажыць на вуліцы Губернатарскай (сёння гэта Леніна), на Свярдлова каля стадыёна «Дынама» (але гэты дом быў разбураны ў першыя дні вайны), у Старажоўцы і на праспекце Незалежнасці, 12.
У кватэры Кандрата Крапівы чатыры пакоі. Яе агульная плошча складае 107 квадратаў, жылыя з іх 80. Прыцягвае ўвагу метраж гасцінай — больш за 35 квадратаў. Тут два шырокія акны, а на падлозе ляжыць паркет.
У яшчэ адным пакоі таксама два акны. У трэцім — панарамнае шкленне. У кватэры дзве лоджыі з відам на двор.
Санвузел у кватэры паасобны. Плошча кухні — 8 квадратаў.
Каштуе такая кватэра з гісторыяй 155 тысяч даляраў. Метр выходзіць 1 443 даляры.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары