На тэрыторыі ўсёй Абхазіі спыненая падача электраэнергіі. Гэта адбылося праз спыненне Інгурскай ГЭС — адзінай электрастанцыі ў краіне.
Аварыйнае спыненне адбылося з-за крытычна нізкага ўзроўню вады і яе недастатковага прытоку.
Графікі ўключэння святла для спажыўцоў у дзённы час будуць скарэкціраваны, ноччу электрычнасць па-ранейшаму будзе падавацца.
«Паведамляем Вам аб карэкціроўцы графіка працы Інгурскай ГЭС. Раней станцыя выдавала магутнасць да 160 мегават за гадзіну. У сувязі з тэхнічнымі зменамі, бягучая максімальная магутнасць складае 90 мегават у гадзіну. На падставе гэтых звестак былі ўнесеныя змены ў рэжым працы станцыі і графік падачы электраэнергіі», — гаворыцца ў паведамленні, апублікаваным у сацсетках кампаніі «Чарнаморэнерга».
Заходняя частка Абхазіі і сталіца Сухумі ў асноўным забяспечваюцца электраэнергіяй за кошт ператоку з Расіі. Аднак у Рэспубліцы ўсё роўна існуе дэфіцыт энергіі. З 9 снежня падача электрычнасці ажыццяўлялася толькі двойчы ў дзень, па дзве гадзіны 20 хвілін (чатыры гадзіны 40 хвілін сумарна), і ў начны час.
Згодна з новым графікам, апублікаваным пасля аварыйнага спынення, час падачы святла скароцяць дадаткова. Так, у частцы Сухумі і Піцундзе яго будуць уключаць менш чым на тры гадзіны ў дзень сумарна, піша РБК.
-
Венгрыя высылае адразу 10 расійскіх дыпламатаў. Такога раней не было
-
«Сотні курдаў расказваюць пра сувязь з дачкой прэм'ера Курдыстана. І толькі 1% заяў на прытулак ад мігрантаў у Брытаніі сапраўдныя»
-
У Германіі ўпершыню пераабсталююць аўтазавод пад абароннае прадпрыемства — ім стане прадпрыемства Volkswagen
Каментары