Мінчукі пазнаёміліся з дзяўчатамі ў інтэрнэце і нажылі сабе праблемы.
У Мінску ў махляроў з'явіўся новы метад падману, на які трапіліся ўжо некалькі чалавек. Адзін з пацярпелых пазнаёміўся ў інтэрнэце з дзяўчынай. Пасля нядоўгай перапіскі новая знаёмая прапанавала разам паглядзець фільм анлайн.
Яна скінула спасылку, аднак відэа ў мужчыны не адкрывалася. Тады дзяўчына прапанавала скарыстацца са свайго запаснога ўліковага запісу iCloud, што мінчук і зрабіў, паведамляе МУС.
Пасля таго, як ён увайшоў у чужы ўліковы запіс, ён страціў доступ да важных сэрвісаў уласнага тэлефона. Мінчук спытаў у дзяўчыны, што адбываецца, у адказ ад яго запатрабавалі 160 даляраў за разблакаванне тэлефона.
Яшчэ двое мінчукоў таксама знаёміліся з дзяўчатамі ў інтэрнэце і пад рознымі падставамі заходзілі ў іх уліковыя запісы iCloud, пасля чаго страчвалі доступ да ўласных даных.
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары