Першы віцэ‑прэм’ер Расіі Ігар Шувалаў не выключае пераходу на адзіную валюту ў межах Мытнага саюза і Адзінай эканамічнай прасторы (АЭП).
Пра гэта ён заявіў, выступаючы 5 сакавіка ў Маскве на міжнародным эканамічным форуме дзяржаў — удзельніц СНД, перадае РІА Новости.
Шувалаў нагадаў, што з пачатку 2010 года працуе Мытны саюз Беларусі, Казахстана і Расіі, да 2012 года плануецца стварыць АЭП.
Першы віцэ‑прэм’ер не выключыў, што межы гэтых эканамічных аб’яднанняў будуць пашыраны.
«І я не стаў бы выключаць пераход у перспектыве тут да адзінай валютнай прасторы», — сказаў ён.
Што тычыцца задач расійскага старшынства ў СНД у 2010 годзе, Шувалаў адзначыў, што адным з найважнейшых кірункаў з’яўляецца стварэнне адзінай плацежна‑разліковай сістэмы краін СНД. «У фінансавай сферы важна падрыхтаваць і зацвердзіць канцэпцыю і план дзеянняў па стварэнні плацежна‑разліковай сістэмы на базе валют краін СНД», — сказаў ён. Важнай задачай з’яўляецца таксама эфектыўнае выкарыстанне магчымасцяў Міждзяржаўнага банка СНД.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей7
Каментары