Святлана Георгіеўна Яўсеева памерла 7 студзеня на 93-м годзе жыцця.
Святлана Яўсеева нарадзілася ў 1932 годзе ў сям'і вайскоўца, атрымала адукацыю ў Ташкенцкім педагагічным інстытуце і Літаратурным інстытуце імя Горкага. Належала да паэтак-шасцідзясятніц.
Напісала кнігі «Жанчына пад яблыняй» (дэбют у літаратуры), «Месяц», «Клічу!», «Еўраазія», «Апошняе развітанне», «Шукаю чалавека».
З 1962 года Святлана Яўсеева жыла ў Мінску, бо выйшла замуж за беларускага пісьменніка Артура Вольскага.
У Беларусі перакладала на рускую мову вершы класікаў беларускай літаратуры: Янкі Купалы, Якуба Коласа, Максіма Танка і іншых.
Уладзімір Някляеў казаў пра яе: «Святлана Яўсеева, якая прыехала з Масквы ў Мінск, даволі хутка стала не столькі рускім, колькі беларускім паэтам, якая пісала на рускай мове».
«Калісьці яе імя выгуквалася на адных сцэнах з Ахмадулінай і Казаковай, Еўтушэнкам і Вазнясенскім. Ёй прысвячалі вершы Святлоў і Самойлаў. Цяпер у сеціве можна з цяжкасцю адшукаць дзясятак вершаў Яўсеевай. Апошнія з плеяды шасцідзясятнікаў пакідаюць нас», — адзначыў у сваім ТГ-канале пісьменнік Міхаіл Гундарын.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары