Музыка1111

Простая жанчына з вёскі на Міншчыне збірае сваімі танцамі мільёны праглядаў у тыктоку

Беларуская тыктокерка Таццяна, здаецца, рушыць усе шаблоны таго, як павінна выглядаць зорка сацсетак. Яна не мае інстаграмнага дома, затое мае армію прыхільнікаў.

Скрыншот відэа ў тыктоку

У тыкток-акаўнце tanechka_hah вы не знойдзеце распаковак модных брэндаў, аглядаў дарагіх крам ці замежных вандровак. Свае ролікі Таццяна здымае, хутчэй за ўсё, на просты смартфон.

У роліках яна звычайна танчыць пад расійскую папсу. Або падпявае ёй.

Аналагічных акаўнтаў, здаецца, тысячы ў тыктоку. Але ж не кожны з іх мае столькі прыхільнікаў. На беларуску з вёскі на Міншчыне падпісаныя больш за 64 тысячы чалавек, а яе самае папулярнае відэа набрала 2,9 мільёна праглядаў.

Верагодна, сакрэт папулярнасці звычайнай беларускай жанчыны ў шчырасці. А можа, і ва ўнутранай свабодзе. Таццяна танчыць і спявае так, як ёй хочацца, не азіраючыся на тое, хто што скажа. Яна часта запісвае ролікі, стоячы на раздзяўбанай вясковай дарозе, на фоне гаража ці ў кабіне трактара. А то і ў мінскім аўтобусе.

Яшчэ адзін цікавы феномен тыктокеркі: у яе хапае прыхільнікаў, а вось хэйтараў няшмат. Даўнія фанаты ўжо вітаюцца ў каментарыях і жартуюць, што займаюць адно аднаму месцы на яе канцэрце (менавіта так называюць кожны ролік Таццяны ў тыктоку). «Я ўжо не Таню рада бачыць, а ўсіх вас, пастаянныя фанаты. Мы практычна родныя людзі!» — пад гэтым каментарыем сабралася 886 лайкаў.

Любяць жанчыну не толькі ў Беларусі — хапае каментарыяў, напрыклад, на ўкраінскай мове. Жанчыны са Львова, Харкава, Кіева, Жытоміра пішуць, што ў іх ёсць фан-клубы Таццяны.

А прыхільнікі з Беларусі дасылаюць жанчыне падарункі. Нехта нават прыязджае да Таццяны, каб зрабіць сумеснае відэа.

Каментары11

  • Мрак Аврелий
    30.01.2025
    Трэш-народ, трэш-контент.
  • Нефанатка
    30.01.2025
    нявеста азаронка, азаренок точно любит!))
  • Самы чэсны
    30.01.2025
    Ды што з вамі не так?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Стала вядома, што за амерыканец нядаўна быў вызвалены з беларускай турмы7

Стала вядома, што за амерыканец нядаўна быў вызвалены з беларускай турмы

Усе навіны →
Усе навіны

ЕС можа выдзеліць Украіне велізарны пакет дапамогі —700 мільярдаў еўра5

Сёлета пачнуць забудоўваць участак на рагу праспекта Незалежнасці і Валгаградскай3

Распрацоўшчык з Амстэрдама расказвае, колькі ён траціць у месяц4

Лёсаванне чэмпіянату Беларусі па футболе прайшло ў Брэсцкай крэпасці4

«Куды столькі падзець?» Беларуска атрымала гіганцкі падарунак на працы да святаў — у тыктоку зайздросцяць12

Да 2027 года штучны інтэлект можа дасягнуць узроўню «краіны геніяў». Што маецца на ўвазе?5

Палітзняволены журналіст Карней схуднеў за кратамі на 15 кг і мае праблемы з сэрцам1

Пракуратура паказала інтэр'еры калоніі, у якой трымаюць Алеся Бяляцкага3

Перамовы паміж Расіяй і ЗША ў Эр-Рыядзе пачаліся9

больш чытаных навін
больш лайканых навін

Стала вядома, што за амерыканец нядаўна быў вызвалены з беларускай турмы7

Стала вядома, што за амерыканец нядаўна быў вызвалены з беларускай турмы

Галоўнае
Усе навіны →

Заўвага:

 

 

 

 

Закрыць Паведаміць