Літоўскі завод, што належыць беларусу, нелегальна прадаваў лазеры Расіі
Супрацоўнік аднаго з найбуйнейшых вытворцаў лазераў у Літве — кампаніі Optogama — таемна прадаваў лазеры расійскай абароннай прамысловасці, паведаміла 3 студзеня LRT.
«Нам вядома, што адзін з работнікаў прадпрыемства, як мяркуецца, учыніў супрацьпраўныя дзеянні, у выніку якіх некаторыя кампаненты, якія вырабляюцца прадпрыемствам, маглі быць перададзены падсанкцыйным суб'ектам», — сказаў дырэктар прадпрыемства Тадас Ліпінскас.
Ён дадаў, што для прадпрыемства гэтая інфармацыя сталася нечаканасцю. Згаданы работнік прадпрыемства быў адхілены ад выканання сваіх абавязкаў. На прадпрыемстве пачата ўнутранае расследаванне.
Па даных Дэпартамента дзяржбяспекі, грамадзянін РФ арганізаваў пастаўкі літоўскай тэхнікі «суб'ектам РФ, якія маюць дачыненне да расійскага абаронна-прамысловага комплексу».
У рамках расследавання абвінавачанні выстаўлены 10 асобам.
Паведамляецца, што папярэднія следчыя мерапрыемствы праводзіліся ў Літве, Латвіі і Эстоніі.
Паводле звестак Рэестравага цэнтра, адным з заснавальнікаў Optogama з'яўляецца грамадзянін Беларусі Мікалай Куляшоў, які раней з'яўляўся акцыянерам кампаніі. Раней лазеры Optogama шырока прадаваліся ў Расіі, дзе ў Санкт-Пецярбургу працавала кампанія LLS, якая ў цяперашні час сцвярджае, што з'яўляецца прадстаўніком Optogama у Расіі, піша LRT.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў9
Каментары