Сотні тысяч людзей у шэрагу гарадоў Германіі выйшлі на вуліцы на акцыю супраць правага экстрэмізму і ў падтрымку разнастайнасці.
Пратэсты выклікала тое, што прапанову па ўзмацненні жорсткасці міграцыйнай палітыкі ў Бундэстаг падалі хрысціянскія дэмакраты пры падтрымцы ультраправай партыі «Альтэрнатыва для Германіі». Гэта галасаванне парушыла кансэнсус традыцыйных нямецкіх палітычных партый не супрацоўнічаць з ультраправымі.
У Мюнхене, па даных мясцовай паліцыі, сабралася каля 250 000 чалавек, піша Tagesschau. Арганізатары казалі пра больш чым 320 000 ўдзельнікаў. Дэманстрацыя прайшла пад лозунгам «Дэмакратыя мае патрэбу ў вас».
У Гановеры ўзялі ўдзел у мітынгу 24 000 чалавек. Там выступіў і міністр абароны Германіі Барыс Пісторыус. Ён заклікаў кожны дзень выступаць за дэмакратыю. «Дзверы для ультраправых павінны заставацца закрытыя», — сказаў Пісторыус.
Пратэсты ў Лейпцыгу супраць партыі «Альтэрнатыва для Германіі» сабралі тысячу чалавек. У Брэмене паліцыя налічыла каля 35 000 удзельнікаў мітынгу. У Дортмундзе сабралася каля 2900 дэманстрантаў.
Мітынгі былі і ў іншых нямецкіх гарадах.
Праз два тыдні, 23 лютага, адбудуцца выбары ў Бундэстаг.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары