Памёр аўстраліец, чыя кроў выратавала жыцці больш за два мільёны дзяцей
Джэймс Харысан памёр у сне ў доме састарэлых у Новым Паўднёвым Уэльсе (Аўстралія) 17 лютага, паведаміла яго сям'я ў панядзелак. Яму было 88 гадоў, піша Бі-бі-сі.
Чалавек з залатой рукой — так называлі Харысана ў Аўстраліі. Яго кроў утрымлівала рэдкія антыцелы Anti-D, якія выкарыстоўваюцца для стварэння лекаў для цяжарных жанчын, чыя кроў можа атакаваць іх ненароджаных дзяцей.
Аўстралійская служба крыві Чырвонага Крыжа, якая выказала даніну памяці Харысану, паведаміла, што ён паабяцаў стаць донарам пасля таго, як сам атрымаў пераліванне крыві падчас складанай аперацыі на грудной клетцы ў 14 гадоў.
Ён пачаў ахвяраваць сваю плазму ва ўзросце 18 гадоў і працягваў гэта рабіць кожныя два тыдні да 81 года.
У 2005 годзе ён усталяваў сусветны рэкорд па колькасці перададзенай крывяной плазмы — званне, якое ўтрымліваў да 2022 года, калі яго абагнаў жыхар ЗША.
Дачка Харысана, Трэйсі Мэлаўшып, сказала, што яе бацька вельмі ганарыўся, што змог выратаваць так шмат жыццяў, без усялякага кошту і болю.
«Ён заўсёды казаў: гэта не балюча, а жыццё, якое ты ратуеш, можа быць тваім уласным», — адзначыла яна.
Мэлаушып і двое ўнукаў Харысана таксама атрымалі Anti-D вакцынацыю.
«Яму было прыемна чуць пра шматлікія сем'і, такія, як наша, якія існуюць дзякуючы яго дабрыні», — сказала яна.
Anti-D вакцына абараняе ненароджаных дзяцей ад смяротнай крывяной хваробы — гемалітычнай хваробы плода і нованароджаных (HDFN).
Гэта паталогія ўзнікае, калі эрытрацыты маці несумяшчальныя з крывянымі клеткамі дзіцяці, што выклікае рэакцыю імуннай сістэмы маці, якая пачынае знішчаць крывяныя клеткі плода.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары