Сірыйскія ўлады падчас задушэння паўстання пакаралі смерцю больш за 340 чалавек
Сірыя праз тры месяцы пасля змены ўлады ахопленая жорсткімі баямі. Паводле звестак мясцовых актывістаў, сілы бяспекі новай адміністрацыі пры падаўленні выступленняў прыхільнікаў ранейшага рэжыму пакаралі смерцю не менш за 340 цывільных асоб, сярод іх былі жанчыны і дзеці, піша Bild.
Сірыйскі цэнтр маніторынгу за выкананнем правоў чалавека (СЦМПЧ) паведамляе, што толькі ў адным горадзе Баніяс сілавікі расстралялі каля 60 чалавек. У сацсетках пачалі распаўсюджвацца відэазапісы з пакараннямі смерцю і катаваннямі.
Паводле інфармацыі брытанскіх крыніц СЦМПЧ, масавыя забойствы адбыліся ў 21 населеным пункце правінцый Латакія, Тартус і Хама. Гэтыя раёны традыцыйна лічацца апорай алавітаў — рэлігійнай меншасці, да якой належыць зрынуты прэзідэнт Башар Асад.
У дакладзе гаворыцца, што «цывільныя асобы былі забітыя такім чынам, які не адрозніваецца ад аперацый сіл бяспекі былога рэжыму». Жыхары гэтых рэгіёнаў ахопленыя страхам. Адзін з іх паведаміў, што адбываецца «шмат нападаў і забойстваў з-за рэлігійнай прыналежнасці».
Праваабаронцы заклікаюць міжнародную супольнасць умяшацца, адправіць экспертаў для дакументавання злачынстваў і запатрабаваць ад новых сірыйскіх уладаў прыцягнуць вінаватых да адказнасці.
Новая сірыйская адміністрацыя, якая прыйшла да ўлады пасля таго, як у снежні мінулага года ўзброеныя атрады групоўкі «Хаяят Тахрыр аш-Шам» занялі Дамаск, раней абяцала абарону ўсіх меншасцяў. Аднак алавіты асцерагаюцца, што іхняя супольнасць падвергнецца рэпрэсіям — як за рэлігійную прыналежнасць, так і за падтрымку сям'і Асада.
Лукашэнка нервова пракаментаваў візіт Ціханоўскай у Кіеў45
Каментары
Па галоўцы іх будзем гладзіць? Ці дазволім нас расстраляць і ізноў захапіць уладу і вярнуць лукашызм?
Пуцін і яго памагатыя.
Караюць сьмерцю.