Дарадца Святланы Ціханоўскай кажа, што аддасць гадзіннік людзям, якія зробяць найбольшы данат.
Франак Вячорка аддае свой гадзіннік у добрыя рукі.
«Аддам гэты гадзіннік у добрыя рукі, што зробяць найбольшы данат на добрую беларускую справу, дапамогу палітвязням, нашым ваярам ва Украіне ці ветэранам.
Каб паўдзельнічаць, вам трэба напісаць у каментарах (да паста ў фэйсбуку) ці мне ў прыватных паведамленнях, колькі вы гатовыя ахвяраваць, каб атрымаць гадзіннік. Вы самі можаце выбраць — публічным ці ананімным будзе вашае ахвяраванне, а таксама які беларускі збор, каму дзе (на BYSOL, ці на іншых пляцоўках, дзе ёсць зборы на беларусаў і беларусак).
Для мяне гэты гадзіннік быў падарункам, таму стартавы кошт — вашая першая стаўка.
Пераможа найвышэйшая стаўка на 23.59 (СЕТ), 25.03.2025. Гадзіннік будзе перададзены пераможцу пасля пералічэння заяўленага даната», — напісаў ён у фэйсбуку.
Год таму журналісты звярнулі ўвагу на дарагі гадзіннік за 9 200 даляраў Франака Вячоркі. Пасля розгаласу галоўны дарадца Святланы Ціханоўскай вырашыў аддаць аксесуар на дабрачыннасць, прадаўшы яго на аўкцыёне, але гэта не было зроблена.
«Я не займаюся гэтым. Я яго перадаў даўным-даўно. Гадзіннік у бяспецы, ляжыць у сейфе з іншымі лотамі. Чакае на аўкцыён», — сказаў «Белсату» Франак Вячорка ў пачатку гэтага тыдня.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
дык падарункі ж не перадорваюць, а тым больш не прадаюць