Учора вечарам у сяле Страдзічы ў адным з двароў выбухнуў нейкі боепрыпас. У зоне паражэння апынуліся мужчына і яго ўнукі (14 і 15 гадоў), паведамляе СК.
Ад атрыманых траўмаў адзін з падлеткаў памёр. Пенсіянеру і другому дзіцяці экстранна аказваецца медыцынская дапамога.
Работу следча-аператыўнай групы каардынуе начальнік УСК па Брэсцкай вобласці Віктар Леган.
Следчыя выявілі корпус боепрыпаса ў двары дома ў купе металалому.
Заведзена крымінальная справа па ч.2 арт.295 (незаконныя дзеянні ў дачыненні да выбуховых рэчываў) Крымінальнага кодэкса Беларусі.
Следства ўстанаўлівае паходжанне снарада і ўсе абставіны трагедыі.
Каментары