Светлагорскі падлетак асуджаны за згвалтаванне трох мужчын
На судзе сваёй віны 16-гадовы вучань не прызнаў.
Светлагорскі падлетак прыгавораны да пяці з паловай гадоў пазбаўлення волі за ўчыненне гвалтоўных дзеянняў сексуальнага характару ў дачыненні да трох мужчын — 18, 54 і 60 гадоў.
Прыгавор быў абвешчаны 18 сакавіка, але пакуль не набыў законную моц, абвінавачаны мае права яго абскардзіць.
Як паведамілі ў пракуратуры Светлагорскага раёна Гомеля, 18 лістапада 2009 года справа па ч. 1 і ч. 2 арт. 167 КК (гвалтоўныя дзеянні сексуальнага характару) была распачата па заявах жыхароў Светлагорска 1991, 1956 і 1949 гадоў нараджэння. Паводле слоў пацярпелых, увечары 14 лістапада ў доме райцэнтра, дзе жыве адзін з іх, 16‑гадовы вучань збіў мужчын і, пагражаючы фізічнай расправай, учыніў гвалтоўныя дзеянні сексуальнага характару.
Суд прызнаў падлетка вінаватым ва ўчыненні гвалтоўных сексуальных дзеянняў, а таксама ў рабаванні (ч. 2 арт. 206 КК), бо ў пацярпелых ён забраў грошы. У пракуратуры адзначылі, што двое з пацярпелых, 1956 і 1949 гадоў нараджэння, вялі асацыяльны лад жыцця.
На судзе сваю віну ва ўчыненні гвалтоўных дзеянняў сексуальнага характару падлетак не прызнаў і сказаў, што ўсё адбывалася добраахвотна.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі10
Каментары