На гэтым тыдні аж дзве ўстановы — Галерэя «Ў» і Акадэмія мастацтваў — адмовілі яму ў памяшканні пад вечарыны.
На гэтым тыдні аж дзве ўстановы — Галерэя «Ў» і Акадэмія мастацтваў — адмовілі яму ў памяшканні пад вечарыны.
Спачатку пісьменніку адмовілі ў памяшканні для прэзентацыя яго паэтычнага зборніка «Кон» у мінскай галерэі сучаснага мастацтва «Ў». Адмову патлумачылі тым, што ў іх на гэтыя дні, 24-25 сакавіка, запланаваны іншыя мерапрыемствы. Маўляў, звязана гэта з прыездам еўрапейскіх партнёраў. Прэзентацыю пісьменнік правёў, але ў іншым месцы.
28 сакавіка ў зале Акадэміі мастацтваў планавалі правесці літаратурную вечарыну, прымеркаваную да вяртання з конкурсу «Еўрапейскі паэт свабоды» Уладзіміра Арлова. Але арганізатарам адмовілі ў памяшканні. Абгрунтавалі адмову тым, што ў гэты дзень зала будзе занятая.
«Я не чуў сам, мне толькі пераказвалі, што калі адміністрацыя паглядзела спіс удзельнікаў вечарыны і ўбачыла там прозвішча Някляева, то адмовіла ў зале»,
— кажа Уладзімір Някляеў.
Гэта ўжо не першыя забароны літаратурных вечарын, удзел у якіх мусіў браць Някляеў. 17 сакавіка сталічны Палац мастацтва адмовіў у зале для прэзентацыі «Беларускага кнігазбору».
Каментары