Расійскія войскі значна ўзмацнілі інтэнсіўнасць баявых дзеянняў, сканцэнтраваўшы асноўныя намаганні на Пакроўскім напрамку, нягледзячы на заявы пра гатоўнасць да трохдзённага спынення агню ў маі. Пра гэта заявіў галоўнакамандуючы Узброенымі сіламі Украіны Аляксандр Сырскі, піша Расійская служба Радыё Свабода.
«Адсутнасць перспектываў у аператыўным і тактычным плане не спыняе ворага — ён упарта спрабуе прарваць абарону нашых войскаў на гэтым напрамку і выйсці на адміністрацыйную мяжу Днепрапятроўскай вобласці. З гэтай мэтай расійскае камандаванне штодня кідае ў бой новыя падраздзяленні, гоніць сваіх вайскоўцаў на смерць, дае справаздачы пра ілюзорныя поспехі і перамогі», — напісаў Сырскі ў Telegram.
Ён дадаў, што прысвяціў дзень працы ў брыгадах, якія трымаюць абарону менавіта на гэтым участку, «з мэтай вырашэння праблемных пытанняў і аказання дапамогі камандзірам частак у арганізацыі баявых дзеянняў».
Выданне The Wall Street Journal у аўторак адзначыла, што ўкраінскім сілам вясной удалося стабілізаваць лінію фронту на ўсходзе Украіны. Аднак УСУ чакаюць у бліжэйшы час новага наступу расійскіх войскаў, звязваючы гэта з заканчэннем перыяду бездарожжа і з’яўленнем лістоты на дрэвах, што ўскладніць выкарыстанне беспілотнікаў і, наадварот, спросціць прымяненне цяжкой тэхнікі.
Згодна з данымі праекта DeepState і іншых маніторынгавых каналаў, асноўныя намаганні расійскіх вайскоўцаў цяпер сканцэнтраваны на поўдзень і ўсход ад Пакроўска, а таксама пад Тарэцкам у Данецкай вобласці. На некаторых участках расійскія войскі наблізіліся да мяжы з Днепрапятроўскай вобласцю.
У Крамлі днём 28 красавіка заявілі, што прэзідэнт Расіі Уладзімір Пуцін аддаў загад расійскім войскам спыніць агонь у «дні 80-годдзя Перамогі» — 8, 9 і 10 мая. Прэзідэнт Украіны Уладзімір Зяленскі, каментуючы гэтае паведамленне, нагадаў, што Украіна падтрымлівае ідэю ЗША аб спыненні агню, а таксама прапаноўвала 30-дзённую паўзу, і назваў заяву Пуціна «яшчэ адной спробай маніпуляцыі».
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары