Старшыня Віцебскага гарвыканкама Аляксей Героеў паведаміў, што на месцы былых плошчаў завода «Віцязь» ужо пачаліся дэмантажныя работы, а пасля там з'явіцца не проста аквапарк, а цэлы комплекс з гатэлем і трэнажорнай залай.
«У нас з'явіўся інвестар. З ім правялі сустрэчу, вызначылі аб'ёмы, тэрміны. Створаныя ўсе ўмовы для рэалізацыі гэтага праекта. Ужо ідзе рэканструкцыя будынка. Думаю, па заканчэнні наступнага года ўжо будуць бачныя пэўныя вынікі», — сказаў старшыня Віцебскага гарвыканкама Аляксей Героеў.
У якасці тэрміну рэалізацыі задуманага пазначаны перыяд каля двух гадоў.
Пляцоўку пад аб'ект ужо вызначылі — горкі і басейны размесцяцца побач з паркам 1000-годдзя Віцебска, на былой тэрыторыі завода «Віцязь».
Пра магчымасць з'яўлення аб'екта ў Віцебску загаварылі яшчэ восенню мінулага года. Тады стала вядома, што для рэалізацыі праекта інвестары выкупілі два вытворчыя карпусы завода і пачалі праводзіць дэмантаж.
Калі планы мясцовых уладаў здзейсняцца, то Віцебск стане трэцім абласным цэнтрам пасля Мінска і Гродна, у якім пабудуюць аквапарк.
Акрамя таго, у Беларусі такія аб'екты ёсць цяпер таксама ў Жлобіне, Маладзечне, Кобрыне, Пружанах і аграгарадку Азёры пад Гроднам.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я4
Каментары