Гарадзенца асудзілі на 13 гадоў за вымаганне ў айцішніка крыптавалюты на мільярд рублёў
Жыхар Гродна быў асуджаны на 13 гадоў пазбаўлення волі за спробу вымагання надзвычай вялікай сумы ў крыптовалюце, паведаміла Генпракруратура.
Фота: vecteezy.com
Інцыдэнт адбыўся ўлетку мінулага года. Двое мужчын праніклі ў кватэру мінчука, выдаючы сябе за электрыкаў. Яны пагражалі яму зброяй і электрашокерам, патрабуючы пералічыць 5750 біткойнаў, што на той момант складала амаль мільярд беларускіх рублёў.
Мінчук адмовіўся гэта рабіць, тады нападнікі далі яму 24 гадзіны на перавод валюты. Пасля гэтага адзін з іх выехаў з краіны, другога затрымалі.
Суд прызначыў яму 13 гадоў пазбаўлення волі ва ўмовах узмоцненага рэжыму і штраф 21 тысячы рублёў.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам11
Каментары