«Я распараджуся спыніць санкцыі супраць Сірыі, каб даць ім шанец на веліч», — заявіў прэзідэнт ЗША на інвестыцыйным форуме ў саудаўскім Эр-Рыядзе.
«Удачы, Сірыя, пакажы нам нешта вельмі асаблівае», — дадаў Дональд Трамп.
Па словах Трампа, санкцыі, уведзеныя супраць Сірыі падчас кіравання Башара Асада, выканалі важную функцыю, але цяпер для Сірыі настаў час рухацца наперад.
Прэзідэнт ЗША заявіў, што прыйшоў да такога рашэння пасля абмеркавання сітуацыі ў Сірыі з наследным прынцам Саудаўскай Аравіі Мухамедам бін Салманам і прэзідэнтам Турцыі Рэджэпам Эрдаганам.
Амерыканскі і сірыйскі бакі таксама абмяркоўваюць магчымую сустрэчу паміж Трампам і сірыйскім прэзідэнтам Ахмедам аш-Шараа. Раней Трамп казаў, што ЗША могуць заключыць з Сірыі здзелку па мінералах, падобную да той, якую нядаўна заключылі з Украінай, піша The Times. Таксама ў рамках гэтай здзелкі ў Дамаску могуць пабудаваць Trump Tower.
Раней ЗША скасавалі ўзнагароду на суму 10 мільёнаў даляраў за галаву Ахмеда аль-Шараа, лідара руху «Хаят Тахрыр аш-Шам» (ХТШ), які прыйшоў да ўлады пасля падзення рэжыму Башара Асада.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс6
Каментары