У Хойніках жанчына рабіла сабе кактэйлі з віна, воцату і шчолачы. Усё скончылася трагедыяй
У сакавіку жыхарка Хойнікаў адчула сябе дрэнна на працы і выклікала хуткую дапамогу. Яе шпіталізавалі са скаргамі на моцныя болі ў жываце, дыхавіцу і сухасць у роце.
Спачатку дактары западозрылі захворванне брушной поласці, аднак праведзеныя абследаванні паказалі прыкметы цяжкіх хімічных пашкоджанняў стрававальнай сістэмы. Медыкі высветлілі, што ў пацыенткі былі эрозіі і язвы ў страваводзе, страўніку і дванаццаціперснай кішцы — характэрныя наступствы ўздзеяння агрэсіўных рэчываў.
Неўзабаве жанчына прызналася, што ўжывала небяспечную сумесь: яна самастойна змешвала кактэйлі з віна, воцатнай кіслаты і шчолачы. Гэтыя рэчывы выклікалі сур’ёзныя ўнутраныя апёкі
Нягледзячы на намаганні дактароў, выратаваць пацыентку не ўдалося — праз некалькі дзён яна памерла ў рэанімацыі.
Судова-медыцынская экспертыза пацвердзіла: прычынай смерці стаў хімічны апёк органаў, атрыманы незадоўга да шпіталізацыі. Эксперты ўсталявалі, што пашкоджанні адносяцца да катэгорыі цяжкіх і непасрэдна звязаныя з гібеллю жанчыны, паведамляе Дзяржкамітэт судовых экспертыз.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах1
Каментары