Намесніка начальніка белчыгункі Дулуба будуць судзіць па двух артыкулах. Яго затрымалі за хабар, а дома знайшлі яшчэ $3 млн
Генеральная пракуратура накіравала ў суд крымінальную справу супраць першага намесніка Беларускай чыгункі Пятра Дулуба, паведамляе ведамства.
Пятра Дулуба абвінавачваюць у тым, што ён: атрымліваў хабар (артыкул 430 Крымінальнага кодэкса), не выконваў службовыя абавязкі з асабістай выгадай (артыкул 425).
Па даных абвінавачання, Дулуб з дапамогай прыватнай лагістычнай кампаніі арганізаваў за хабар транзіт вугалю з Казахстана ў Польшчу праз Беларусь, хаця гэта шкодзіла інтарэсам чыгункі. Таксама ён за хабар дазваляў прыватным кампаніям карыстацца вагонамі, якія належаць БЧ.
Яго затрымалі ў чэрвені 2024 года каля яго аўтамабіля. Цяпер ён застаецца пад вартай, а крымінальная справа перададзена ў суд.
Паводле міліцыі, адзін з самых вялікіх хабараў у 2024 годзе ў Беларусі быў хабар менавіта першаму намесніку начальніка Беларускай чыгункі Пятру Дулубу — 370 тысяч даляраў. Дома ў яго знайшлі $3 мільёны.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары