Зелянко ўзначальваў гістарычны клуб «Міндоўг» і паралельна займаўся бізнэсам. Цяпер ён за кратамі.
Алегу Зелянко 42 гады. Ён жыў у вёсцы Вістычы, якая знаходзіцца за 5 кіламетраў ад Брэста. Скончыў Брэсцкі дзяржаўны ўніверсітэт на настаўніка гісторыі.
Зелянко згадваецца ў базах як кіраўнік гістарычнага клуба «Міндоўг» — аднаго з НДА, зарэгістраваных у Брэсце.
Паралельна гісторык займаўся бізнэсам. У яго было ІП, сфера дзейнасці якога — сталярныя і цяслярскія працы. Мяркуючы па аб'явах на розных дошках аб'явах, ён займаўся і іншым бізнэсам — аптовымі продажамі спецадзення і абутку, бытавой хіміі, цэменту і іншых будаўнічых матэрыялаў. Таксама прайшоў шэраг курсаў па бізнэс-адукацыі.
У снежні 2024 Алега Зелянко двойчы асудзілі за «распаўсюд экстрэмісцкіх матэрыялаў» (19.11 КаАП). Пасля адбытых сутак, імаверна, на яго завялі крымінальную справу і пасадзілі ў СІЗА.
Алега Зелянко асудзілі ў 2025 годзе па абвінавачанні ў «садзейнічанні экстрэмісцкай дзейнасці» (ч. 1 арт. 361-4 КК) у Брэсцкім абласным судзе. Гэты артыкул прадугледжвае да 4 гадоў хіміі ці ад 2 да 6 гадоў калоніі.
Мяркуючы па ўсім, пасля прысуду Зелянко прысудзілі якраз калонію — ягоныя сацсеткі не абнаўляюцца, а тэлеграм мае статус «быў анлайн вельмі даўно».
«Наша Нiва» — бастыён беларушчыны
ПАДТРЫМАЦЬ
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары