Правацэнтрысцкая партыя Фідэс атрымала, па папярэдніх дадзеных, перамогу ў першым раўндзе парламенцкіх выбараў у Венгрыі, пазбавіўшы ўлады сацыялістаў, якія кіравалі краінай апошнія восем гадоў.Выбары прайшлі ў мінулую нядзелю.
Па інфармацыі Нацыянальнай выбарчай камісіі Венгрыі, партыя Фідэс, пад кіраўніцтвам былога прэм'ер-міністра краіны Віктара Орбана, набрала 52,8% галасоў выбаршчыкаў і атрымала 206 з 386 месцаў у парламенце краіны.
На другім месцы апынуліся сацыялісты з 19,3% галасоў, што дазволіць ім разлічваць на 28 мандатаў. Упершыню ў парламент праходзіць і нацыяналістычная партыя Йоббік, якая набрала ў першым туры галасавання 16,7% галасоў, што дасць ёй 26 дэпутацкіх мандатаў. Скрайне левая ліберальная партыя LMP стала чацвёртай сілай, што прабілася ў галоўны заканадаўчы орган краіны з 7,42%. Гэта дало ёй права накіраваць у парламент пяць дэпутатаў.
Лёс 121 месца ў парламенце будзе вызначаны ў нядзелю, 25 красавіка, калі адбудзецца другі тур выбараў.
Парламент Венгрыі абіраецца на чатыры гады. Права голасу ў краіне маюць 8,3 мільёна чалавек.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было9
Каментары