Ісландскі вулкан ужо спаралізаваў паветраны рух над усёй Еўропай.
Як паведаміў «НН» кіраўнік Рэспубліканскага авіяметэрэалагічнага цэнтра Алег Аўдзейчык, верагоднасць гэтага вельмі вялікая.«Распаўсюджванне вулканічнага попелу над Еўропай адсочвае Лонданскі метэрэагічны цэнтр. Паводле яго прагнозаў, сёння ў Беларусі будзе чыстае неба. Наступны прагноз па нашай краіне чакаецца заўтра а 16-ай гадзіне, аднак ужо зараз можна сказаць, што верагоднасць з’яўлення над Беларуссю вулканічнага пылу з Ісландыі вельмі вялікая» – адзначыў А.Аўдзейчык.
Сёння стала вядома, што воблака вулканічнага попелу накрыла дзве траціны тэрыторыі Літвы, а таксама з’явілася на поўначы Расіі.
Нагадаем, што пасля таго, як у сераду адбылося вывяржэнне вулкана, які размешчаны каля ледніка Эйяф’ялайекюль за 200 км на ўсход ад Рэйк’явіка, дым падымаўся на вышыню 6 тыс. метраў. Патокі распаленай лавы часткова растапілі ледавік, што выклікала паводкі. Уладам краіны давялося эвакуяваць з бліжэйшых вёсак ад 700 да 800 чалавек. Цяперашняе вывяржэнне — ужо другое за апошнія некалькі тыдняў. Вулкан спаў да гэтага 200 гадоў.
Вывяржэнне вулкана прывяло да адмены ўсіх авіярэйсаў ў Брытаніі, Скандынавіі і іншых краінах Заходняй Еўропы. Еўрапейскія авіяцыйныя ўлады непакояцца, што воблака вулканічнага попелу можа пашкодзіць рухавікі самалётаў.
Анжаліка Мельнікава пасля знікнення набыла дзве кватэры ў Мінску90
Каментары