Рэжысёр Вудзі Ален узяў удзел у Маскоўскім тыдні кіно, дзе захапляўся Расіяй і Дастаеўскім
Вядомы амерыканскі рэжысёр Вудзі Ален узяў удзел у сесіі пытанняў і адказаў па відэасувязі падчас Маскоўскага міжнароднага тыдня кіно, дзе мадэратарам быў Фёдар Бандарчук, вядомы публічнай падтрымкай палітыкі Уладзіміра Пуціна. Удзел 89-гадовага Алена ў гэтым мерапрыемстве выклікаў абурэнне, піша Euronews.
На сайце фестывалю сцвярджаецца, што мерапрыемства стварае «атмасферу даверлівага дыялогу», каб слухачы змаглі зразумець унутраны свет рэжысёра і даведацца, як нараджаюцца гісторыі, якія застаюцца ў культуры на працягу дзесяцігоддзяў. Падчас размовы Ален выказаў захапленне расійскім кінематографам і адзначыў, што штучны інтэлект ніколі не зможа ствараць творы, роўныя кнігам Фёдара Дастаеўскага.
Адказваючы на пытанне пра здымкі ў Расіі, Ален паведаміў, што пакуль не атрымаў прапаноў, але калі яны паступяць, то ён не будзе супраць сцэнарыя, які перадае «адчуванне камфорту», які ён раней адчуваў у Маскве.
Міністэрства замежных спраў Украіны асудзіла ўдзел Алена, заявіўшы, што гэта надае аўтарытэт «крываваму фестывалю» і ігнаруе штодзённыя злачынствы, якія Расія працягвае здзяйсняць ва Украіне. Паводле ведамства, культура ніколі не павінна выкарыстоўвацца для апраўдання злачынстваў або служыць інструментам прапаганды.
Удзел Вудзі Алена таксама выклікаў крытыку шматлікіх карыстальнікаў інтэрнэту.
Маскоўскі міжнародны тыдзень кіно праводзіцца з 2024 года і ў 2025 годзе прайшоў з 23 па 27 жніўня.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў29
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
Вядомы амэрыканскі рэжысер ??? Нехта ведае яго " шэдэўры" ..