26—28 верасня 2025 года пройдзе II Кангрэс па палітзняволеных у Беларусі. Яго мэта каардынацыі намаганняў па падтрымцы палітзняволеных і іх сем’яў, паведамляе Офіс Святланы Ціханоўскай.
Гэты Кангрэс — двухдзённая сустрэча арганізацый, ініцыятыў, праваабаронцаў, актывістаў і сем’яў палітзняволеных.
Першы дзень, 26 верасня ў Варшаве, будзе прысвечаны агульнай сітуацыі з правамі чалавека ў Беларусі, новым тэндэнцыям палітычных рэпрэсій і працы па вызваленні і падтрымцы палітзняволеных.
Другі дзень, 28 верасня ў Познані, стане пляцоўкай для сустрэч і дыскусій: кірмаш ініцыятыў, прэзентацыі профільных арганізацый і фармат дыскусій FishBowl, дзе ўдзельнікі абмяркуюць ідэі для вырашэння праблем. Праграма Кангрэса будзе апублікаваная бліжэй да мерапрыемства.
Далучыцца да мерапрыемства можна праз рэгістрацыю на Кангрэс, падачу заяўкі на ўдзел у кірмашы ці прэзентацыі, а таксама праз акрэдытацыю для медыя.
Мерапрыемства арганізавана Офісам дэмакратычных сіл Беларусі ў Чэхіі ў супрацоўніцтве з Офісам Святланы Ціханоўскай, Аб’яднаным пераходным Кабінетам і партнёрскімі арганізацыямі пры падтрымцы фонду Rosa Luxemburg Stiftung.
Паводле праваабаронцаў, на сённяшні дзень у Беларусі афіцыйна прызнаныя палітзняволенымі 1335 чалавек.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
А памяшканне ўжо знята і аплачана. І што рабіць?